L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA.
Ivona BEAUME, Mèsa, lo 27 de genièr de 2023.
Qual va regretar l’annada 2022 ? Aquela es encara emprenhada de la pandemia del COVID 19 e de la guèrra en UCRAÏNA amb son cortègi de mòrts e sas consequéncias economicas. Sens parlar del risque d’espandiment d’aquel conflicte dins Euròpa tota, quant arribant al cap de la primièra annada de guèrra, ne fasèm lo bilanç. Pensam a aquel brave monde que se baton coma de chins enrabiats per conservar l’integritat de lor país e lo modèl de governança que se causiguèron ; pr’aquò arrèstan pas de demandar d’armas de mai en mai potentas, çò que pausa qualques problèmas de consciéncia als dirigents euròpencs.
E sens parlar d’una annada la mai cauda coneguda dempuèi qu’existen los contraròtles de las temperaturas. Amb la manca de pluèja, se n’es seguit una secada tant memorabla, que parlam encara pendent aquel ivèrn nevós de son impacte sus las culturas, e fins als ostals que de còps se fendilhan d’un biais dangierós.
Atanben, metrem volontièr al fuòc los auripèls de 2022.
Segur que per qualques uns, d’eveniments uroses, coma naissenças o maridatges an marcat ça que la l’annada d’una pèira blanca, que la vida contunha. E tant melhor. Es una respiracion talament necessària !
Per d’autres es estat l’escasença de tirar los marrons del fuòc, coma per los mercands d’armas, per exemple. E puèi, i a los mai rusats o los pus malonèstes que profechan de la situacion quand l’asard de la vida lor permet d’o faire. Volèm creire qu’es una minoritat, que podèm pas viure sens espèr.
Aquel espèr, lo metrem dins l’annada 2023, sens saupre çò que nos resèrva, naturalament…
La voldriam plan granada e plan urosa, mas qual sap ?
De tot biais, es tot çò que vos desiri, sens doblidar la santat.
Pel moment, coma o ditz la formula latina, Carpe diem. Culhís cada jorn de l’annada 2023, e amb o sens l’ajuda de Satan, Vade retro l’annada 2022.
Qui va regretter l’année 2022 ? Celle-ci est encore imprégnée de la pandémie du COVID 19 et de la guerre en UKRAINE, avec son cortège de morts et ses conséquences économiques. Sans parler du risque d’extension de ce conflit dans toute l’Europe, quand arrivant au bout de la première année de guerre on en fait le bilan. Nous pensons à tous ces braves gens qui se battent comme des chiens enragés pour conserver l’intégrité de leur pays et le modèle de gouvernance qu’ils se sont choisis ; pour cela ils n’arrêtent pas de demander des armes de plus en plus puissantes, ce qui pose quelques problèmes de conscience aux dirigeants européens.
Et sans parler d’une année la plus chaude connue depuis qu’il existe les contrôles de températures. Avec le manque de pluie, il s’en est suivi une sécheresse si mémorable qu’on parle encore de son impact sur les cultures, et jusqu’aux maisons qui parfois se fendillent de manière dangereuse.
Aussi, nous mettrons volontiers au feu les oripeaux de 2022.
Il est sûr que pour certains, des événements heureux, comme des naissances ou des mariages ont marqué ici ou là l’année d’une pierre blanche, car la vie continue, et c’est tant mieux. C’est une respiration tellement nécessaire !
Pour d’autres, cela a été l’occasion de tirer les marrons du feu, comme pour les marchands d’armes, par exemple. Et puis, il y a les plus rusés ou les plus malhonnêtes qui profitent de la situation quand les hasards de la vie leur permet de le faire. Nous voulons croire que c’est une minorité, car on ne peut vivre sans espoir.
Cet espoir, nous le mettrons dans l’année 2023, sans savoir ce qu’elle nous réserve, naturellement…
Nous la voudrions bien fructueuse et bien heureuse, mais qui sait ?
En tout cas, c’est tout ce que je vous souhaite, sans oublier la santé.
Pour le moment, comme le dit la formule latine, Carpe Diem, Cueille chaque jour de l’année 2023, et avec ou sans l’aide Satan, Vade retro l’année 2022.
0 commentaires