cafè occitan de dimècres lo 11 de mars a Juvinhac sala JL Herrault, Chem. de la Plaine, 34990 Juvignac

RDV a 7 oras, l’aparcament es assegurat !

Lo prepaus es la sortida en exclusivitat e en primièra mondiala del libre de Jòrdi Nespoulous, « Larzac, Larzac… »

Dos periòdes se debanan dins aqueste roman.

Lo primièr se passa a la fin de las annadas cinquanta e a la debuta de las annadas seissanta pendent la guèrra d’Argeria. Lo camp militar foguèt agençat en camp d’embarrament de militants del F.L.N. (front de liberacion nacionala). Lo segond se debana dins las annadas setanta amb lo projècte d’espandiment del camp militar que provoquèt lo regèt massís dels païsans de Larzac e d’una certana opinion publica.

Es dins l’ambient d’aquestes dos periòdes que l’autor situa l’accion del roman. Mesclant ficcion e realitat nos fa viure d’eveniments istorics e de dramas misterioses.

E coma tojorn es a gratis !

Prenètz vòstra escudèla e tot çò que cal per partejar los recaptes !

Vos espèri nombroses !

Regina Cipra

presidenta de l’associacion Juvinhac Occitan