L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA.
Ivona BEAUME, Mèsa, lo 23 d’abril de 2023.
MARIDATGE PER TOTES
Lo 23 d’abril de 2013, fa ja 10 ans, una femna plan determinada, Cristiana TAUBIRA, ministra de la justícia dins lo govèrn de Francés HOLLANDE capitèt de faire votar una lei autorizant, amb 331 voses per e 225 contre, lo maridatge per totes, a saupre entre doas femnas o dos òmes.
Los debats a l’Amassada foguèron pas un long flum tranquil.
Pasmens, qualques païses de l’Union Europenca avián sautat lo pas sens qu’aquò faguèsse problèma. Dempuèi 14 païses an adoptat una lei similara e 31 autorizan lo maridatge per totes.
Los puritans i vegèron una perversion de las mors a venir, çò que foguèt una error de las bèlas.
Se cal rampelar que lo primièr maridatge legal entre dos òmes es estat celebrat lo 29 de mai de 2013 dins nòstra bona vila de MONTPELHIÈR jos la bandièra de la Dòna Elena MANDROUX, cònsol de la vila a l’epòca.
300 jornalistas de païses divèrses e 500 personas assistiguèron a l’eveniment.
Ara, los maridatges entre personas de meteis sèxe se son banalizats, e es plan entau.
En mai aquel maridatge facilita l’adopcion d’enfants (simple per degun). Cal creire qu’òm pòt èstre omosexual e conéisser un brutlant desir d’aver d’enfants. Per de qué tot mesclar ?
Aqueles enfants, tant desirats, sont aculhits e elevats dins l’amor de lors parents, tant coma los autres enfants. Sembla que l’essencial siá aquí.
Dempuèi lo 29 de setembre de 2021, los cobles omosexuals pòdon beneficiar de la PMA*. S’aquò es pas totjorn facil, las causas avançan.
Vesèm que 10 ans après la promulgacion de la lei, lo rebofum anonciat per un planponh de conservators (trises) agèt pas cas.
Uèi, segur que los que beneficièron de la lei an pas res de far dels regrèts, remors e autres mea culpa d’aqueles que que se sont plan enganats. Avèm fach sens eles.
*PMA : procreacion medicalament assistida.
MARIAGE POUR TOUS
Le 23 avril 2013, cela fait déjà 10 ans, une femme bien déterminée, Christiane TAUBIRA, ministre de la justice sous le gouvernement de François HOLLANDE, a réussi à faire voter une loi autorisant, avec 330 voix pour et 225 contre, le mariage pour tous, à savoir entre deux femmes ou deux hommes.
Les débats à l’Assemblée ne furent pas un long fleuve tranquille.
Pourtant, quelques pays de l’Union Européenne avaient sauté le pas sans que cela fasse problème. Depuis 14 pays ont adopté une loi similaire et 31 autorisent le mariage pour tous.
Les puritains y ont vu une débauche des mœurs à venir, ce qui fut une grossière erreur.
Il faut se rappeler que le premier mariage légal entre deux hommes a été célébré le 29 mai 2013 dans notre bonne ville de MONTPELLIER, sous la bannière de Madame Hélène MANDROUX, Maire de la ville à l’époque.
300 journalistes de divers pays et 500 personnes ont assisté à l’événement.
Maintenant les mariages entre personnes de même sexe se sont banalisés et c’est bien comme ça.
De plus ce mariage facilite l’adoption d’enfants (simple pour personne). Il faut croire qu’on peut être homosexuel et connaître un brulant désir d’avoir des enfants. Pourquoi tout mélanger ?
Ces enfants, tant désirés, sont accueillis e élevés dans l’amour de leurs parents, autant que les autres enfants. Il semble que l’essentiel soit là.
Depuis le 29 septembre 2021, les couples homosexuels peuvent bénéficier de la PMA*. Si cela n’est pas toujours facile, les choses avancent.
Nous voyons que 10 ans après la promulgation de la lei, la débauche annoncée par une poignée de conservateurs (trices) n’a pas eu lieu.
Aujourd’hui pour sûr, ceux qui ont bénéficié de la loi n’ont rien à faire des regrets, remords e autres mea culpa de ceux qui se sont bien trompés. Nous avons fait sans eux.
*PMA : procréation médicalement assistée.
0 commentaires