Mas lo jove diguèt :

« Garda, aquelas peras per tos mainatges,

-Te mercejam fòrça, e te voldriam daissar quicòm.

« Escota, ai un poder grand, demanda çò que volràs e te l’acordarai.

Lo vièlh li bufèt a l’aurelha :

« Demanda lo cèl!

– Lo cèl ? Non, es fòrça tròp naut e puèi, ai léser d’i pensar al cèl ! diguèt Misèria »

Agachèt lo jove al pel blond e comprenguèt qu’èra lo Crist e lo vièlh òme, Pèire lo discípol vièlh !

-Mèstre voldriái primièr que lo que tocarà lo bufet de ma farga, se’n pòguèsse  destacar qu’amb mon autorizacion.

– E plan siá !

– Qual vòt ! Se ditz Pèire, demanda lo cèl !

 Misèria l’escotava pas.

– Puèi, lo que s’assetarà sus l’escabèl de la cosina, que se pòsca relevar sonque s’o vòli plan.

– E plan siá !

– Alon, anem, demanda lo cèl  !

Mas Misèria aviá son idèia.

Enfin voldriái que lo que montarà sus mon perièr, demorèsse « empegat » sus la mèstra branca. 

Atal siá, reprenguèt Jèsus.

E los dos viatjaires s’enanèron sul camin.

E las annadas passèron. E Misèria coneguèt pas mai de gròsses malaürs… Misèria aviá vielhit, mas èra encara capable de levar lo pesuc martèl de la farga.

Un jorn, subrevenguèt un òste inesperat, un òste que ven tròp d’ora e dont se desira pas la visita : Dòna la mòrt, òrra e richonanta.

« Alara Misèria, siás prèst ? Es ora, te veni quèrre.

– Escota, te seguissi, mas daissa-me acabar çò que teni.

Atrapa donc la punhada del bufet e balha me un còp de man, puèi partirem !

La Mòrt sens mesfisança atrapèt la punhada del bufet e tirèt la cadena !

-Vos espèri! diguèt Misèria en risent.

Mas la Mòrt se podiá pas destacar…

« M’as enganat, Misèria!

– Baste, te vòles benlèu enanar ?

E risiá, la Mòrt non !

Te vau daissar partir, a condicion que vengas dins longtemps !

– 7 ans, 7 ans, aquò te va ?

– Aquò va, »

E la Mòrt partiguèt en rondinant.

E las annadas ragèron leù fach, perque èran comptadas. Misèria  comptava pas.

Tanben, un jorn foguèt susprés quand ausiguèt frapar a la pòrta.

(de seguir)

 

 

Dins l’espèra que ràdio Lengadòc trapèsse una solucion a son problèma de personal per metre a jorn los podcasts vos prepausam l’audio de la setmana aicí dejós. Bona escota.

brown wooden wheel on brown wooden table

0 commentaires

Soumettre un commentaire

Votre adresse e-mail ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.