L’UÒLH DEL BUÒU

LA BILHETA DE L’IVONA DEL CERCLE OCCITAN DE MÈSA.

Ivona BEAUME, Mèsa, lo 4 de febrièr de 2023.

SÒMI O MALSÒMI

Aquel jorn, lo Vincenç se levèt los uòlhs encara trebolats de sòm, e semblava venir d’un autre Monde.

Après aver begut un veiràs d’aiga, qu’aquò m’estonèt, puèi son cafè, me diguèt :

Ai fach un sòmi estranh. Tanplan qu’escoti tròp la ràdio e agachi tròp la television, que nos asondan de longa de nòvas lanhosas. De còps m’o fas remarcar, e cresi qu’as rason.

Figura-te que dins mon sòmi, la secada èra devenguda tant grèva dins lo monde tot que, après d’annadas de mai en mai dificilas, avián agotat totas las ressorsas en aiga de la planeta. E quant i a qu’aviam pas agut de pluèja e encara mens de nèu !

Fasiá un brave moment qu’òm nos avertissiá d’una possibla catastròfa, mas semblava qu’aqueste còp èrem al bot del bot.

Per me trufar de tot  aquò, e coma per esconjurar lo sòrt, aviái totjorn dich : ieu, quand ne vendrà l’ora, sachent qu’òm pòt pas viure sens aiga, qu’òm l’aima o pas, gardarai la darrièra gota per metre dins mon pastís.

E vaquí ! lo moment tant redobtat èra arribat. Las autoritats an distribuït a cada èstre vivent sus Terra mièg litre d’aiga e pas mai. E res per los animals.

Missanta limonada ! E tot lo mond plorava, plorava !

Mas anavi pas falhir a mon jurament. T’ai engolit, religiosament, pauc a pauc, amb tant de desespèr coma de plaser mon veire de pastís. L’aviái  preparat amb grand suènh, qu’èra lo darrièr. Talament qu’amai que siá desrevelhat, n’ai encara lo gost dins la boca.

Se soi plan urós qu’aquela calamitat siá qu’un sòmi, aquel sòmi, se n’aviái besonh, me dona la mesura de l’importància de l’aiga dins nòstra vida.

Per me plan emprenhar d’aquò, ai decidit de beure cada matin un grand veire d’aiga. Se fa pas de ben, aquò pòt pas faire de mau.

Femna, me pòs creire, es pas un jurament d’ivronha que te fai aquí. Mas me fagas pas dire çò qu’ai pas dich. Vau pas per autant renonciar a mon pastís, al mens a l’aperitiu del dimenge, o quand fa una calor estofanta e qu’ai lo còl sec.

Cal pas exagerar ni tombar dins l’excès contrari…

REVE OU CAUCHEMARD.

Ce jour-là, Vincent s’est levé les yeux encore brouillés de sommeil, et semblait venir d’un autre Monde.

Après avoir bu un grand verre d’eau, ce qui m’a étonné, puis son café, il m’a dit :

J’ai fait un rêve étrange. Peut-être que j’écoute trop la radio et que je regarde trop la télévision, qui nous déversent sans arrêt des nouvelles inquiétantes. Parfois tu me le fais remarquer et je crois que tu as raison.

Figure-toi que dans mon rêve, la sécheresse était devenue si grave dans le monde entier, qu’après des années de plus en plus difficiles, nous avions épuisé toutes les ressources en eau de la planète. Et depuis quand nous n’avions pas eu de pluie et encore moins de neige !

Cela faisait un certain temps qu’on nous alertait sur une possible catastrophe, mais il semblait que cette fois-ci, nous étions au bout du bout.

Pour me moquer de tout  cela et comme pour conjurer le sort, j’avais toujours dit : moi, quand en viendra l’heure, sachant qu’on ne peut vivre sans eau, qu’on l’aime ou pas, je garderai la dernière goutte pour mettre dans mon pastis.

Et voilà ! le moment tant redouté était arrivé. Les autorités ont distribué à chaque être vivant sur Terre un demi-litre d’eau et pas plus. Et rien pour les animaux.

« Méchante limonade » ! Tout le monde pleurait, pleurait !

Mais je n’allais pas faillir à mon serment. J’ai avalé religieusement, peu à peu, avec autant de désespoir que de plaisir mon verre de pastis. Je l’avais préparé avec grand soin, car c’était le dernier. Au point que bien que réveillé, j’en ai encore le goût dans la bouche.

Si je suis bien heureux que cette calamité ne soit qu’un rêve, ce rêve, s’il en était besoin, me donne la mesure de l’importance de l’eau dans notre vie.

Pour bien m’en imprégner, j’ai décidé de boire chaque matin un grand verre d’eau. Si ça ne fait pas du bien, ça ne peut pas faire de mal.

Femme, tu peux me croire, ce n’est pas un serment d’ivrogne que je te fais là. Mais ne me fais pas dire ce que je n’ai pas dit. Je ne vais pas pour autant renoncer à mon pastis, au moins à l’apéritif du dimanche ou bien quand il fait une chaleur étouffante et que j’ai la gorge sèche.

Il ne faut pas exagérer ni tomber dans l’excès contraire…

clear glass bottle beside clear drinking glass

0 commentaires

Soumettre un commentaire

Votre adresse e-mail ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.