L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA.
Ivona BEAUME, Mèsa, lo 1èr d’agost de 2022.
En dobertura de la fèsta del bolechon del dimenge 31 d’agost d’aqueste an, la medalha d’onor de la vila de Mèsa foguèt remesa per Monsur lo cònsol amb solemnitat a Jaumet e a Carmèn per lo ròtle qu’an jogat dins lo manten e lo desvolopament de la lenga e de la cultura occitanas.
A l’origina de la creacion del Cercle occitan de Mèsa « Lo Buòu » e de l’escòla Calandreta de Mèsa, aquò fa dins los 25 ans, son totjorn actius. Contunhan de practicar lo cant coral, a participar al talhièr de cosina (e pas solament per i manjar), e lo Jaumet contunha d’escriure libres en occitan, dont un L’òme sortit de la mar donèt un espectacle magnific tot plen de poesia. Mantun d’autres libres an regalat los Calandrons. Aqueles, pendent d’annadas, l’escotèron cada setmana lor contar d’istòrias en òc, amb grand plaser ; e quand per astre, los encontra, li sautan dins al còl, coma s’èra lor quite papeta.
Lo Cercle occitan es estat creat amb l’ajuda de bonas amigas de joinessa que se van reconéisser. De retorn a l’ostal après una carrièra de las bèlas als PTT, lor prenguèt l’enveja un pauc nostalgica de se pegar a l’aprendissatge e a l’aprigondiment de çò qu’apelàvem lo patoés. Se virèron naturalament cap al Jaumet, qu’agèt per lo còp a còr de far créisser lo Cercle occitan, e que s’atalèt a iniciar atanben de mond estrangièrs, es a dire venguts d’autras regions e mai d’autres païses. Aquò es estat d’une bona ajuda per lor integracion dins la vida de nòstre vilatge, emai nos escarraunhèsse un pauc las aurelhas, de còps, lor dificultat a plaçar l’accent tonica al bon endrech. Rai d’aquò, es pas grèu e òm se pòt clinar davant tant de bona volontat. Al fil dels ans, de vertadièras amistats vegèron lo jorn e perduran, fins a partejar jòias e penas amb lor segonda familha, la de nòstre Cercle.
Per lo primièr còp, lo President ne serà una femna : Òsca ! Monica Demichel acceptèt de préner la relèva de Joan Loís Herodier, segond president après lo Jaumet. Mercé a el per aver salvat nòstre Cercle. Entau aquel a pogut seguir son camin e li desiram longa vida.
L’an que ven, parlarem d’aquela fèsta tipica del bolechon, pesca ancorada dins la tradicion, fèsta que foguèt un còp de mai una capitada. (Detalhs sus l’Internet en picant « fèsta del bolechon »).
Mas uèi, rendre omenatge a nòstre torn a Jaumet e a Carmèn èra una prioritat. Sens eles, un article sus lor implicacion dins nòstra lenga auriá segurament vist lo jorn, mas un article en lenga occitana, aquò es pas segur.
Mercé a eles per m’aver tant ajudada dins l’aprendissatge de l’escriure a mon torn. Es amb plaser qu’espèri, jos l’uòlh avisat del Domenge de l’I.E.O, poder contunhar a vos deliurar cada setmana, mas bilhetas, delirantas o non, segon l’umor del moment.
E longa rota a Jaumet e Carmèn, qu’avèm encara besonh d’eles e de lors conselhs judicioses, e subretot de lor companhiá regaudissenta.
En ouverture de la fête du boulechou du dimanche 31 août de cette année, la médaille d’honneur de la ville a été remise avec solennité par Monsieur le Maire à Jackie et Carmen pour leur rôle dans le maintien et le développement de la langue et de la culture occitanes.
A l’origine de la création du Cercle occitan de Mèze, « Lo Buòu », et de l’école Calandreta de Mèze, il y a dans les 25 ans de cela, ils sont toujours actifs. Ils continuent à pratiquer le chant choral, a participer à l’atelier de cuisine (et pas seulement pour y manger), et Jackie continue d’écrire des livres en occitan, dont l’un L’homme sorti de la mer a donné un spectacle magnifique et empreint de poésie. D’autres livres ont régalé les Calandrous. Ceux-ci pendant des années, l’ont écouté chaque semaine leur raconter des histoires en occitan avec grand plaisir ; et quand par hasard, ils le rencontrent, ceux-ci lui sautent au cou, comme si c’était leur propre grand-père.
Le Cercle occitan a été créé avec l’aide de bonnes copines de jeunesse qui vont se reconnaître. De retour au bercail après une belle carrière aux PTT, il leur prit l’envie un peu nostalgique de se coller à l’apprentissage et à l’approfondissement de ce que l’on appelait le patois. Elles se tournèrent naturellement vers Jackie, qui pour le coup eut à cœur de faire croître le Cercle occitan, et il s’est attelé à initier aussi des personnes venant d’autres régions, et même d’autres pays. Cela leur a été d’une bonne aide pour leur intégration dans la vie de notre village, même si parfois, leur difficulté à placer l’accent tonique au bon endroit nous égratigne un peu les oreilles. Ce n’est pas grave, et on peut s’incliner devant tant de bonne volonté. Au fil des ans, de véritables amitiés ont vu le jour et perdurent, jusqu’à partager joies et peines avec leur seconde famille, celle de notre Cercle.
Pour la première fois, le Président en sera une femme : Bravo ! Monique Demichel a accepté de prendre la relève de Jean-Louis Hérodier, deuxième Président après Jackie. Merci a lui pour avoir sauvé notre Cercle. De la sorte celui-ci a pu suivre son chemin et nous lui souhaitons longue vie.
L’an prochain, nous parlerons de cette fête du boulechou, pèche entrée dans la tradition, fête qui fut une nouvelle fois une réussite. (Détails sur Internet, en tapant « fête du boulechou »).
Mais aujourd’hui, rendre hommage à Jaumet et Carmen était une priorité. Sans eux, un article sur leur implication dans notre langue aurait sûrement vu le jour, mais un article en langue occitane, ça c’est moins sûr.
Merci à eux pour m’avoir tant aidée à l’apprentissage de l’écriture à mon tour. C’est avec plaisir que j’espère, sous l’œil avisé de Domenge à l’I.E.O, pouvoir continuer à vous délivrer chaque semaine mes billets, délirants ou non, selon l’humeur du moment.
Et longue route à Jaumet et Carmen, car nous avons encore besoin de leurs judicieux conseils, et surtout de leur joyeuse compagnie.
0 commentaires