L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA.
Ivona BEAUME, Mèsa, lo 8 de març de 2023.
DÒNAS, VOS AIMI.
Dònas, vos aimi! Dònas, vos aimi! O diguèt lo cantaire, e amb talent.
L‘ausir rescaufa lo còr. Pasmens es pas segur que las femnas volguèsson èstre aimadas solament per lor belesa, qu’es una evidéncia (em ! em !), o per lor fragilitat, mas per tot çò que representan per lors familhas e per la societat tota.
Bailar naissença als dròlles, los breçar, los consolar, participar a lor educacion, los acompanhar fins que siagan devenguts d’adultes responsables, e encara un pauc mai.
Assistir e reconfortar los ancians per lor rendre tot çò que donèron en lor temps.
Trabalhar, sovent mal pagadas rapòrt a lors collègas òmes e per lo còp, se constituir una pension magriuleta, sens ne faire un « formatge ».
Per autant, son pro combativas per reclamar un pauc mai de justícia, e son ajudadas dins lor lucha per los òmes que son pas comptables de la situacion qu’òm lor fa dins las entrepresas ; se mòstran capables de reconéisser la legitimitat de lors demandas.
Es long lo camin per que las femnas del mond entièr sián mai consideradas per lo ròtle que jògan dins la vida de cada jorn, sinon perqué una « Jornada Internacionala dels Dreches de las Femnas », la jornada dau 8 de març ?
A la debuta del sègle XX, ja las femnas manifestavan en America del Nòrd e Euròpa lor desir d’èstre tractadas d’un biais corrècte e amb respècte.
En 1977 enfin, las Nacions Unidas oficialisèron aquela jornada, e en França solament en 1982. Coma òm lo vei, es long lo camin.
Subretot qu’en mai dels problèmas de remuneracions e de consideracion, òm vei se desvolopar una brutalitat terribla, que pòt anar fins al crime. Dempuèi la debuta de l’annada 2023, 27 femnas sont estadas tugadas per lor marit o lor companh. Aquò pòrta lo nom plasent de « feminicidi ».
De que nos arriba ? S’aquò es pas novèl òm pòt pas o daissar s’installar e se banalizar. Aqueles comportaments sauvatges que se debanan dins las divèrsas classas de la societat meritan de punicions de las mai sevèras, sinon serà la vergonha de nòstre país.
Encara qu’ajam trapat nòstres mèstres en la matèria, coma los dirigents de l’Iran, país ont las femnas, mas atanben d’òmes, menan dempuèi de meses un combat remirable a la seguida de l’assassinat, al mes de setembre de 2022, de la joina femna de 22 ans, Malisa Amini. Sa fauta foguèt de daissar aparèisser una flòta de peus de son vel.
Aquel vel, las iranianas ne vòlon pas pus, e an lo coratge de lo far tombar de lor tèsta dins las manifestacions per carrièras. Per las punir, en particular òm lor barra las pòrtas de las escòlas, e per las mai joinas que pòdon encara contunhar d’i anar, vaquí que de mai en mai sont presas de malaises, çò que las mena a l’espital, al desespèr de lors parents. Sembla que sián victimas d’empoisonatge !
Sus quana planeta e dins quana epòca vivèm ara ?
Atanben, se inlassablament, femnas e òmes ensems se fan entendre encara mai fòrt lo 8 de març, sens pausa, espèran pas aquel jorn per se preocupar dau sòrt d’aquelas que nos son tan caras.
E i a pas de pichòts progrèsses, i a solament de progrèsses, e subretot i a pas de rasons de se descoratjar.
Alara que far ? Contunhar d’avançar, contra suberna totjorn.
« Cent còps sus lo mestièr remetètz vòtre obratge, afinatz lo de longa e tornatz-lo afinar… ».
FEMMES, JE VOUS AIME.
Femmes, je vous aime, Femmes, je vous aime ! Il l’a dit le chanteur, et avec talent.
L’entendre réchauffe le cœur. Pourtant, il n’est pas sûr que les femmes veuillent être aimées seulement pour leur beauté, qui est une évidence (hum, hum) ou pour leur fragilité, mais pour tout ce qu’elles représentent pour leurs familles et pour la société entière.
Donner naissance aux enfants, les bercer, les consoler, participer à leur éducation, les accompagner jusqu’à ce qu’ils soient devenus des adultes responsables, et encore un peu plus.
Assister et réconforter les anciens pour leur rendre tout ce qu’ils ont donné en leur temps.
Travailler, souvent mal payées par rapport à leurs collègues hommes et partant, se constituer une retraite maigroulette, sans en faire un pataquès.
Pour autant, elles sont assez combatives pour réclamer un peu plus de justice, et elles sont aidées dans leur lutte par les hommes qui ne sont pas comptables de la situation qu’on leur fait dans les entreprises ; ils se montrent capables de reconnaître la légitimité de leurs demandes.
Il est long le chemin pour que les femmes du monde entier soient mieux considérées pour le rôle qu’elles jouent dans la vie de tous les jours, sinon pourquoi une « Journée Internationale des Droits des Femmes », la journée du 8 mars ?
Au début du XXème siècle, les femmes manifestaient en Amérique du Nord et en Europe leur désir d’être traitées correctement et avec respect.
En 1977 enfin, les Nations Unies ont officialisé cette journée, et en France seulement en 1982. Comme on le voit, il est long le chemin.
D’autant qu’outre les problèmes de rémunérations et de considération, on voit se développer une brutalité terrible, qui peut conduire jusqu’au crime. Depuis le début de l’année 2023, 27 femmes ont été tuées par leur mari ou leur compagnon. Cela porte le nom charmant de « féminicide ».
Que nous arrive-t-il ? Si ce n’est pas nouveau, on ne peut pas laisser cela s’installer et se banaliser. Ces comportements sauvages qui se déroulent dans les diverses classes de la société méritent des punitions des plus sévères, au risque de devenir la honte de notre pays.
Encore que nous ayons trouvé nos maîtres en la matière, comme les dirigeants de l’Iran, pays où les femmes, mais aussi des hommes, mènent depuis des mois un combat admirable à la suite de l’assassinat de la jeune femme de 22 ans, Malisa Amini. Sa faute a été de laisser apparaître une mèche de cheveux de son voile.
Ce voile, les iraniennes n’en veulent plus, et elles ont le courage de le faire tomber de leur tête dans les manifestations à travers les rues. Pour les punir, en particulier on leur ferme les portes des écoles, et pour les plus jeunes qui peuvent encore continuer à y aller, voici qu’elles sont de plus en plus prises de malaises, ce qui les conduit à l’hôpital, au désespoir de leurs parents. Il semble qu’elles soient victimes d’empoisonnements !
Sur quelle planète e à quelle époque vivons-nous maintenant ?
Aussi, si inlassablement, femmes et hommes ensemble se font entendre encore plus fort le 8 mars, inlassablement ils n’attendent pas ce jour-là pour se préoccuper du sort de celles qui nous sont si chères.
Et il n’y a pas de petits progrès, il n’y a que des progrès, et surtout il n’y a pas de raisons de se décourager.
Alors que faire ? Continuer d’avancer, contre vents et marées.
« Cent fois sur le métier remettez votre ouvrage, polissez le sans cesse et le repolissez… ».
0 commentaires