Avètz ausit parlar de la « man invisibla » dau mercat, man misteriosa e meravilhosa que transmuda l’egoïsme absolut de cadun en armonia universala e bonur de l’umanitat.

Amb aquesta « lei de l’economia » que sembla mai paraula de predicaire, la benediccion economica ven, coma pluèja divina, santificar socialament l’amoralisme mai crane e ne far la condicion de la prosperitat generala. Mas de qu’a a veire aquò amb lo pont de Narbona ? Paciéncia i venèm. Bastit pels romans ten l’originalitat que ne fa lo grand renom de portar d’immòbles d’abitacion e de comèrcis. Atau sembla una carrièra comerciala. L’actualitat es que la Communa ven d’urgéncia de tancar totes los comèrcis, d’escampar los estajants e de copar tot passatge. Diaussis vos pensatz, es pas estonant qu’un pont tan vielhàs malauteje. Que nani. L’ingenior de la ciutat o ditz plan « Lo pont roman se pòrta plan, es çò que i an apondut que va mau » E precisa que fa bel brieu que fustas e estructuras apondudas son pas entretengudas, que los proprietaris privilegièron los comèrcis daissant córrer lo demai. De bons escolans de la « rason economica », egoïstasses sens jamai se laguiar de cooperacion. E de que faguèt la man invisibla ? Pas res. Sens ges de cooperacion l’egoïsme tranquille de tots mena a una polida roïna generala.

La traduction est à retrouver sur midilibre.fr

brown wooden sticks on black surface

0 commentaires

Soumettre un commentaire

Votre adresse e-mail ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.