La Galariá es un projècte novèl menat pel magazine cultural en occitan Lo Diari, sus una idèa e amb la participacion activa de Joan-Carles Codèrc, artista qu’interven dins las paginas de la revista dempuèi 2020. Considerant lo pauc de plaça autrejat a las arts visualas, a la creacion plastica d’expression occitana, e lo besonh de pensar çò qu’es e pòt èsser la dita plaça dins lo mitan artistic contemporanèu, avèm volgut prepausar un espaci de mòstra e de reflexion duradís, en nos apevant sus las possibilitats tecnicas del Diari. Aquò prendrà doncas la forma d’una galariá d’art en linha, que prepausarà de remirar o de crompar d’òbras de mantun artista.
0 commentaires