|
|
Las darrièiras informacions de l'IEO Erau
|
|
|
|
|
|
D'AG en AG, antau la temporada que s'anóncia que coma cada annada nos fasèm regantar per las obligacions administrativas au dintre dels 3 nivèls de nòstres IEOs.
|
|
I vau, una fes encara, de ma sansonha explicativa: per las borronas que sèm fa pas de mal... atanben per los novelaires que n'i a un fum ongan.
|
|
Quand avètz presa l'adesion, sètz sòcia o sòci de l'IEO sus tres plans: lo federal o nacional, lo regional (Occitania.Miègjorn Pirenèus per nautres) e departamental. E... RAU!! Vòstre escotisson es sompartit entre nautres, a la gròssa: mitat au federal, 1,5€ au regional e lo demai au departamental.
|
|
Cadun d'aqueles estancis de nòstra federacion van cotria e an un ròtle plan definit per obrar a l'aparament e la promocion de nòstras lenga e cultura, èsser los entreparlaires de l'Estat, de las collectivitats territorialas e tutti quanti.
|
|
Sètz doncas convidats a participar a la vida associativa d'aqueles tres nivèls, anar a las AGs, vos faire portar a sos conselhs d'administracion, préner part als vòtes o a la vida vidanta dau malhum.
|
|
Sèm dins Erau, a l'ora qu'escrive, 160! Vos ai pro conflat en debuta d'an amb aquò mas vos mercege d'aver respondut de òc a mas cridas successivas. Una progression bèla (èrem 80 en 2020 e 152 l'an passat) que ne sèm ufanoses. En mai, ne sabe un fum d'ancians que se son pas encara tornar marcats e qu'espèran l'AG. (Mèfi, ai los noms !)
|
|
Me permete d'insistir, mai que mai alprèp dels 36 novèls que nos an rejonch en 2026 per que vengan a Mèsa lo 12 d'abril. Farem conoissença, vos direm tot, partajarem pan e vin. E cantarem!
|
Atencion, se cau marcar d'ora (imperativament abans lo 1er d'abril) per lo repais que lo restauraire es pas de bon atelar! (Mas fa de bon manjar...)
|
|
Dau costat dels eveniments a venir que m'arriban, lo Fogau rurau de Sant Martin de Londres vos convida a sa setmana occitana, lo Bòbi a l'estrena de son espectacle novèl.
|
|
Enfin tibaretz l'aurelha dau costat de Gardonenca (degun es perfièch!) e m'escotaretz lo primièr CD d'Ugò Blanc, sòci de l'IEO30, que canta d'una votz remirabla Bigòt. Farà compés amb lo ròck medieval d'Originem de la setmana passada. Ne cau per totes!
|
|
Lenga viva, cultura viva. Aicí sèm.
|
E, ...rau!!
|
Las escorchas
|
|
De legir (escotar per d'unes):
|
|
Dimenge 29 de març, 17h, Montpelhièr - Concèrt - Lo Cocut
|
|
Dau dimars 31 au dimenge 5 d'abril, Sant Martin de Londres - Rencontres occitans - Fogau rurau de Sant Martin
|
|
Dimars 14 d'abril, 20h30, Fosilhon - Cosmogonia, concèrt amb lo duo Verger-Cavalié
|
|
Dau divendres 8 au dimenge 10 de mai, Jusèa - AG IEO Federal - IEO Federal
|
Dimenge 5 de julhet, 18h30, Sant Cristòu - Nadau en concèrt - Los amics de la Baragònha
|
E, ...rau !!
|
|
|
Qué de nòu?
|
|
|
|
|
|
|
Cap au Cirdòc, lo 27 de mai !
|
|
|
|
|
|
|
|
|
|
L'anatz recebre o benlèu l'avètz ja recebut, lo darrièr numèro de la revista Anem Occitans.
L'avètz aquí en abans-tast numeric...
|
|
|
|
|
|
|
|
|
|
|
Lo mes passat comencèt per doas demissions de presidents de seccions, l'1 e lo 2 d'abril, la de Michèu Prat, president de la seccion bidepartamentala dels Alps e la de Leò Cròs-Humbert, president de la seccion regionala OPM.
|
|
|
|
|
|
|
|
|
|
Dau 18 au 22 de mai, lo còr d'Erau picarà la tifa-tafa a Vilamanda / Villeveyrac (çò dison los francimands)
Clamenç, estrena de placas e noms de comèrcis, cosina, balèti, lo Veidrac amb los pichons de las escòlas, etc.
|
|
|
|
|
|
|
|
|
|
Las grasilhas dau mes de mai e las responsas d'abril…
En mai fai coma te plai!
|
|
|
|
|
|
|
|
|
|
|
Conferéncia Lucila Gaufre, lo dijòus 7 de mai, 18h30
|
|
|
|
|
|
|
|
|
|
La cronicas
|
L'uòlh del Buòu - Curiosèr - La Guinhada - Lo Mescladís - L'edito de Jornalet - Lo Papieròt del dijòus.
|
|
|
|
|
|
|
|
|
Mai furgam dins lo barral de Diogènes, mai trapam unas formulas que marcan sa coneissença fina de la societat de son temps
|
|
|
|
|
|
|
|
|
|
|
L’entrevista de Jean-Michel Blanquer per Michel Feltin-Palas (L’Express 05.05.2026) a pas solament una pèça jornalistica: es una radiografia precisa de las paurs que contunhan de governar la politica lingüistica francesa.
|
|
|
|
|
|
|
|
|
|
|
1990, l’ors es a mand d’èsser reïntroduit dins los Pirenèus. L’idèa de tornar donar a la fauna pirenenca una plaça de tria es lausabla.
|
|
|
|
|
|
|
|
|
|
Mescladís de Bobí lo contejaire
|
« As pas enveja de te passejar a la mar ? demandèt Batiston a son amic Manjaplan.
– A la mar, per se banhar, en novembre ?
– Non pas per se banhar, mas profechar del luòc sens los toristas de l'estiu e puèi manjarem de peis, aquò’s bon !
|
|
|
|
|
|
|
|
|
|
|
La causida d’un pichon nom es d’una importància capitala pel camin de vida del nenet que ven de nàisser. De còps, tot se va apariar ; d’autres còps, caldrà a la novèla nascuda o al novèl nascut viure en oposicion amb lo pichon nom reçauput.
|
|
|
|
|
|
|
|
|
Per sorrire...
|
|
|
|
|
|
|
|
Per sorrire o per plorar?
|
|
|
|
|
|
|
|
Nos volètz trapar ?
|
|
|
|
|
|
|
|
|
Lo locau e la botiga son actualament barrats !
|
Adreiça
Oraris
Telefòne
|
|
|
|
|
|
