|
|
Las darrièiras informacions de l'IEO Erau
|
|
|
La cortina tomba sus una AG2023 de las cranas, un rebat en images abans que d'i tornar a la prima de 2024 que serà mai practica per totes, se podèm. Un IEO34 que ne sortís reviscolat, nhacós e de cercles que tòrnan a l'obratge sens non jamai s'alassar. (E los de Lodeva, insadolables, van ara plumar trufas e cebas a molons per sa passejada de las sopas dimenge venent)
|
Nombre demest vautres manquèron l'adieussiatz au paure Danièl Lafont que nos quitèt subtament lo mes passat. Sos amics e companhs de lucha, vos prepausam de nos retrobar dimècres que ven a la calandreta de Ginhac per un cafè Òc-menatge.
|
|
Levat aquò, n'i a una qu'a encara lo cap en vacanças, es l'Ivona amb tanben los dau Cailar que pantaian ja d'i tornar. Per los autres es plan la rintrada, dau costat de Montpelhièr -vai te'n veire se dançan au Clapàs!- o de l'Uc Jourde que nos tòrna amb sagetas lingüisticas de las ponchudas que pòdon ara venir interactivas, basta que li fisetz de mots que vos pertòcan. Per sanflorada, un pauc de teatre a Cornon e un fum de causas en Gardonenca. (Gausaretz gasar Vidorla o montar cap a Pompi?) E las nòvas dau malhum amb Endacòm mai N°8.
|
|
Enfin, siaguèssetz amics de l'Amic vièlh, Plantolièr Roch vos dona d'unes conselhs ortalans de mai. Mas, me demande se se trufa pas un pauc de nautres...
|
E, ...rau!!
|
|
|
Qué de nòu ?
|
|
|
|
|
|
Una sala subrebèla mesa a nòstra disposicion; una assisténcia nombrosa; d'escambis positius e constructius; la visita dau deputat Sebastian Rome (LFI) e dau primièr adjonch a la comuna de Lodeva Ludovic Cros (PC); un dinnar dels melhors e un après miègjorn plan capitat menat per un parelh de guidas locaus remirable.
A la manòbra lo cercle de Lodeva per una organizacion perfiècha.
Rebat en fòtos.
|
|
|
|
|
|
|
|
|
|
Calandreta la Garriga, Cercle occitan Max Roqueta, Còr d'Erau, Tega-Los
|
lo Daniel es partit tan viste que sèm mantun d'aver mancar l'Adieu.
Prepausam a totes los qu'o desiran de nos acampar per un cafè occitan per partejar imatges, tèxtes, sovenirs de cap a l'òme qu'èra.
Cadun tranquilament podrà prene la paraula long d'un cafè òc a la Calandreta la Garriga de Ginhac.
començarem a 19h, lo dimècres 4 d'octòbre.
Los qu'o desiran poiràn venir un pauc abans cap a 17h30 al cementèri de Canet per li cantar qualquas cançons.
de còr e d'òc,
Felip Joulie, Patrici Baccou
|
|
|
|
|
|
|
|
|
|
|
Una vela d’un blanc de luna sus un fons de cèl lachós se pavana luònh sus l’estanh.
|
|
|
|
|
|
|
|
|
|
Cercle occitan dau Clapàs
|
Lo Cercle Occitan de Montpelhièr vos informa de la represa de sas animacions :
Lo dissabte 14 de octobre dins la Sala Salle Espace Jacques d'Aragon 1ier 117, Rue des États Généraux Montpellier
Tre 2 oras e mièja del tantòst estagi de anças tradicionalas animat per Eusèbio nostre mèstre-dançaire. Inscripcion obligatòria.
A 6 oras del vèspre aperitiu.
Tre 7 oras del ser la seguida serà animada per un concèrt de Cants Occitans interpretats per la polifonia CÒr d'Òc NADALENCA .
Tre 7 oras e mièja del ser, poiratz contunhar la serada per un balèti dobert a totes e a gràtis animat per lo grop BISCAM PAS amb Eusèbio
e los Dançaires del Clapàs.
NB: Las activitats regularas an tanben reprès
|
|
|
|
|
|
|
|
|
|
Cafès Òc, Lo cafè de Pompi
|
Ils forment le trio PASSARIM (passereau en portugais, PASSERAT en occitan, PASSEREAU en français)
Cafè òc sus l'America del Sud e concèrt de Bossa Nova lo 3 a partir de 6 oras a Pompi.
|
|
|
|
|
|
|
|
|
|
Passejada menada per Jòrdi Peladan, tema de l'aiga, lo Dissabte 7 d'Octobre
|
|
Venètz nombroses, serà tanben l'escasença de rescontrar los amics del "Ceucle Occitan dau país d'Arle" .
|
|
|
|
|
|
|
|
|
|
Lo retorn dels mots sagelats de l'Uc Jourde per nòstre bonaür mai bèl.
Se d'unes vòlon veire integrar mots particulars dins una grasilha, basta d'o dire. Uc o farà. (e coma aquò ne trobaretz benlèu un!)
|
|
|
|
|
|
|
|
|
|
Bonjorn, aquí un pauc d’istòria de las femnas montada en peça de teatre/
La peça es tirada del Libre de Claudi Anselme « Rachel Cabane une fileuse en révolte » e jogada a Cornonterral lo 15 de septembre es a gratis. Segur que l’occitan i aura sa plaça!
Rosa
|
|
|
|
|
|
|
|
|
|
|
L'IEO Nacionau comunica...
|
|
|
|
|
|
|
|
|
|
Los dau Cailar son de la gola e de la camba levada... Doas rasons, de las bonas, per s'anar espacejar amb eles.
Lo dissabte 18 de novembre tota la jornada.
Salvatz la data e pensatz de vos marcar.
|
|
|
|
|
|
|
|
La revista de premsa
|
Tornatz trobar las cronicas setmanièiras e bonas fuèlhas localas.
|
|
|
|
|
|
|
|
|
Tròp sovent, las trufas an la petarrufa !
|
|
|
|
|
|
|
|
Per sorire...
|
|
|
|
|
|
|
|
Nos volètz trapar ?
|
|
|
|
|
|
|
|
|
Lo locau e la botiga son actualament dobèrts !
|
Adreça
Oraris
Telefòne
|
|
|
|
|
|
|
