|
|
Las darrièiras informacions de l'IEO Erau
|
|
|
|
Abans que d'anar pus luònh, me vos cau porgir precisions. Las sòcias e sòcis de l'IEO recebèrem un e-mèl nos anonciant lo lançament de Galeta, lo sistèma novèu de gestion dels aderents en linha. Nombre me sonèron o m'escriguèron per me dire que nos èrem faches piratar, d'unes, los mai aluserpits, ensagèron de seguir las consignas e faguèron mèuca. D'autres encara vòlon pas veire sas donadas personalas fisadas a una platafòrma en linha...
|
|
Semblariá que lo Pèire Brechet, qu'es a l'origina d'aqueles e-mèls au nom de l'IEO Federau, se siaguèsse precipitat dins son estrambòrd de melhorar las causas.
|
|
Saique l'AG de Nimes d'aquestes 4 e 5 de mai clarificarà aquel embolh e causirà las bonas orientacions sens nos pondre una usina a gas.
|
|
Aquò dich, un libre novèl de Florian Vernet, Anamorfòsis, aquò s'asaiga. Es benlèu çò que se pensèt la metèo d'aqueles jorns. L'estrena, amb lo grum gròs, se farà lo 17 de mai au Cirdòc dins una serada dedicada a las plumas d'uòi e d'ièr.
|
|
Nos podèm tanben regaudir de veire espelir una novèla setmana occitana dins Erau, a Vilamanda. Se ven apondre a aquelas de Seta, Massilhan, Mèsa, Sant Martin de Londres e au Mai que Mai de Tifa Tafa Tafanari que comença lo 7.
|
Amb aquò una letra longassa d'un fum de causas que vos daisse descobrir. De qué regaudir l'AG de l'an que ven... (Me mete tre ara au rapòrt d'activitats per 2025!)
|
E, ...rau!!
|
NB: traparetz la metèo en bas de pagina
|
|
Dau 7 au 12 de mai, Colombièiras, Olarga, Bedarius, Sant Vincenç - Mai que Mai
|
|
|
|
Qué de nòu ?
|
|
|
|
|
|
Un libre de Florian Vernet es totjorn un eveniment bèl per la literatura nòstra.
Encara mai quand sèm nautres que l'editam! E... RAU !!
E aquel d'aquí es dau Florian cap e tot. Vos congostaretz un còp de mai a travèrs aquel pichon vintenat de novèlas de l'escriptura dau maestro que nos enrebala dins sos univèrses amb lo gaubi que li sabèm. Mas s'i cau pas enganar, i a mai qu'aquò dins aqueste darrièr Vernet...
|
|
|
|
|
|
|
|
|
|
|
Sèm estats aculhits qu'es pas de dire per los Crancs, aqueste bèl dissabte d'abril. Bèl? Cau pas quichar, èra mai o mens un Cavalièr e te fasiá un freg de lop! Mas lo lop, amb la sauça au chorizo èra pas maissant...
|
|
|
|
|
|
|
|
|
|
Lo 17 de mai que ven, serem plan uroses d’aculhir a la Mediatèca (Besièrs) la Fabienne Vayrette e lo Florian Vernet, a l’entorn de lors novèls obratges respectius : « E víver » (Ed.Reclams, 2024) e « Anamorfòsis » (E...rau edicions, 2024).
Marie-Jeanne Verny, Silvan Chabaud e Christian Lagarde abordaràn en seguida de concèrt, lo percors literari de Bernard Lesfargues a l'escasença de la parucion d'un numèro inedit de la revista numerica Plumas, dedicada a l'autor en aquela annada de centenari.
|
|
|
|
|
|
|
|
|
|
|
Aquò manca pas d’intrigar la Marineta, mas son fraire es talament aürós !...
|
|
|
|
|
|
|
|
|
|
Lo Mas Troquet vos prepausa la primièira setmana occitana de Vilamanda (Villeveyrac) dau 13 au 17 de mai.
En collaboracion amb lo Buòu de Mèsa.
Galejadas amb Domenge, cors d'occitan amb lo Jaumet, Peña e estrena de placas de carrièiras, conferéncia sus Max Roqueta per Magali Fraisse, danças tradicionalas, Fred e lo balèti.
|
|
Lo Mas Troquet vos prepausa tanben la dimenjada dels 11 e 12 de mai los rencontres de la coseson solara e de l'eco-abitat.
|
|
|
|
|
|
|
|
|
|
Miquèla Stenta e d'unas paraulas de femnas d'Òc a travèrs los tempses....
Divendres 3 de mai a 5 oras a la mediatèce de Lopian.
|
|
|
|
|
|
|
|
|
|
|
Christophe Grousset aura le plaisir de vous présenter les neufs espèces de rapaces nocturnes de France et plus particulièrement des 6 espèces potentiellement présentes sur Pompignan.
|
|
|
|
|
|
|
|
|
|
Los mots sagelats de l’Uc Jourde.
Se d’unes vòlon veire integrar mots particulars dins una grasilha, basta d’o dire. Uc o farà. (e coma aquò ne trobaretz benlèu un!)
|
|
|
|
|
|
|
|
|
|
Bonjorn
Per aquesta passa, dison qu'aurèm d'aiga mai que per lo pastís. A bodre!
Saique lo lac del Sesquièr asondarà pas. Rai d'aquò la rièja subrenada totjorn.
|
|
|
|
|
|
|
|
La revista de premsa
|
Tornatz trobar las cronicas setmanièiras e bonas fuèlhas localas.
|
|
|
|
|
|
|
|
|
• Defensa dels animals: La ministra canadiana de las Pèscas desira que se desvelòpe la caça de las fòcas. Atal, lo monde se’n poiràn aitant regalar que dels ligombaus. Lor i mancava qu’aquò a aquelas pauras bèstias aprèp la fonta de las glaças en rason del rescalfament climatic.
|
|
|
|
|
|
|
|
|
|
|
Aqueste dissabte, nòstre brave cronicaire Andriu de Gavaudan nos remembrava cossí l’estat francés pèrd de ciutadans letruts e competents que quitan “lo paradís exagonal” perque i “rescontran un pauc pertot un racisme amagat o, de mai en mai, un racisme assumit e sovent agressiu”.
|
|
|
|
|
|
|
|
|
|
Mescladís de Bobí lo contejaire
|
Es amb aqueles mots que ma maire parlava de Max Roqueta.
L'aviá conegut quand oficiava a Niana.
A 16 ans èra en çò sieu coma sirventa
|
|
|
|
|
|
|
La guinhada de l'IEO d'Erau
|
|
|
|
|
|
|
La guinhada de l'IEO d'Erau
|
|
Diga ! Lo quite Papa de Roma ven de metre sa pelha a la bugada dins son darrièr sermon, a Venècia, aquesta dimenjada : « Mesfisatz-vos dau subretorisma ! » que diguèt.
|
|
|
|
|
|
|
|
Per sorrire...
|
|
|
|
|
|
|
Per sorrire o per plorar?
|
|
La meteo es una sciéncia que te ditz lo temps qu'auriá degut faire...
|
|
|
|
|
|
|
|
Nos volètz trapar ?
|
|
|
|
|
|
|
|
|
Lo locau e la botiga son actualament barrats !
|
Adreiça
Oraris
Telefòne
|
|
|
|
|
|
|
