LOGO_Erau_ROUGE
Health-Mag-Title-22
Bas newsletter

Las darrièiras informacions de l'IEO Erau

Haut newsletter
Una crida que fa lo Midi Libre en favor de la lenga nòstra, e un engatjament que poiriá préner lo jornau en sa favor... Es pas un pantais mas los cau sosténer en escrivent au cap redactor Olivièr Biscaye. Ne legiretz un pauc mai aquí dejós.
Aqueste setmana fau tanben lo rebat d'una AG de las bonas que se tenguèt a Cessenon d'Òrb, lo 25 de setembre, amb las cronicas costumièiras comolas de rencontres bèlses de venir, mai que mai de fèstas que sentisson bon las castanhas rostidas e lo vin tot escàs colat que rajarà lèu a las canèlas...
D'en pertot dins Erau.
E... RAU !!

Domenge
Bas newsletter

Qué de nòu ?

Haut newsletter

Midi Libre s'engatja...

Crida

Midi Libre s'engage pour la défense de l'occitan.

Aguèrem la bona suspresa lo dissabte 24 de setembre de veire l'occitan a la una dau Midi Libre, e au dintre dau jornau una pagina plena dedicada a nòstra lenga:
"Sans une action forte, la langue occitane est menacée de disparition"
Lo cap-redactor Olivièr Biscaye demanda nòstre vejaire aquí dessús.
Mercé de li faire responsa a: redac.chef@midilibre.com
Mai serem, melhor serà.
Midi Libre s'engatja...
Rebat d'AG 2022

Rebat d'AG 2022

IEO 34

Aculhits, e de quin biais !, per la Burla de Cessenon d'Òrb, los sòcis de l'IEO 34 visquèron una AG d'una plan bona tinada se ne cresèm los retorns qu'avèm.

De qué dises?

L'uòlh dau Buòu

De qué? Avisa a totes los araires, L'uòlh dau Buòu de l'Ivona se pausa uòi sus las aurelhas.
Una cronica sostenguda per Amplifon !
De qué dises?
De la Campana de Magalona au Montamametas

De la Campana de Magalona au Montamametas

Cèrcle occitan gabianenc

Lo Cercle de Gabian organiza una serada a la sala de las fèstas lo divendres 14 d'octòbre.
Conferéncia, presentacion: "De la Campana de Magalouna au Montamametas." per Domenge Caucat.
Una presentacion literària sostenguda per la DRAC e l'IEO OPM.

Istòria de la crotz occitana

Cercle occitan Max Roqueta

A l'entorn de Ramon Ginolhac e de la crotz occitana, se'n tòrnan los cafès descabestrats famoses de la Roquetia...
Lo dimècres 19, a la calandreta La Garriga de Ginhac, a partir de 7 oras repais partejat e mai...
Una presentacion literària sostenguda per la DRAC e l'IEO OPM.
Istòria de la crotz occitana
Castanhas e vin novèl a Puòg Abon

Castanhas e vin novèl a Puòg Abon

Actualitat d'Òc - Agenda

Tu mon vilatge, de vinhas, de castanhas e de vin...
L'Association Puecha'pop & l'UDFRA34
vos convidan lo dimenge 9 d'octòbre a partir de 10 oras per festejar castanhas e vin novèl.
Animacions per los dròlles, mòstra 1907, mercat productors, artistas e artesans, lo taulièr de l'IEO e la vinha, lo vin, contats en Òc.
De bon vin d'aquí e de castanhas d'amontdaut.
E un balèti a 4 oras, amb Castanha e Vinovèl, çò va solet!

Una serada contes e castanhas, d'aicí, d'alai... e mai.

D'Aicí d'Alai

Una serada contes e castanhas, d'aicí d'alai, amb l'Ester Lucada e un agenda que fa fum de tota lenha: balèti, teatre, concèrt, lòto...!
red onion on hays
Dau costat de Cornon, tèrra d'Òc

Dau costat de Cornon, tèrra d'Òc

Cornon Tèrra d'Òc

Demandatz lo programa !
Bas newsletter

La revista de premsa

Tornatz trobar las cronicas setmanièiras e bonas fuèlhas localas.
Haut newsletter

La galineta roja, conte pels dròlles.

Mescladís de Bobí lo contejaire

Quand lo Bòbi vos prepause un conte per los dròlles... Un conte tradicional adaptat onte se trapan los «ingredients» del conte mas tanben, coma dins la faula, una moralitat!

I aviá un còp una galineta roja que cercava dins la cort de la bòria...
selective focus photography of brown hen
Bas newsletter

La guinhada de l'IEO d'Erau

Sus Ràdio Lenga d'Òc.
Haut newsletter

Caud e freg

La guinhada de l'IEO d'Erau

Diga ! Es caluc aqueste Macron, a virat canturla o nasquèt un jorn que la luna èra pallòta ? M’an dich, figuratz-vos, que per aqueste ivèrn demanda als franceses de se caufar a 19 grases. Aquel piòt, se l’escotam anam cramar lo doble de lenha que passam de costuma e es pas el que nos la vendrà copar !
Caud e freg
Bas newsletter

Per sorire...

... o per plorar ?
Haut newsletter

Per sorire o per plorar?

Per sorire o per plorar?

Lo sorire de la setmana amb l'IEO Erau
Per sorire o per plorar?
Bas newsletter

De legir

E... Rau! son tanben nòstras edicions. E avèm totjorn de pan sus la canissa !
Haut newsletter
Miquèl Decòr - Villàs de femnas

Villàs de femnas de Miquèl Decòr

En Menerbés, per las vinhas, los cabanòts servissián, e benlèu encara, per recaptar los espleches, abrigar de l'auratge vendemiaires e vendemiairas, aculhir las amors bartassièras qu'i venián e, quau sap, venon totjorn, nisar d'amagat.
La particularitat d'aquestes granjòts e autres masets es que pòrtan de pichons noms femenins : Carmen, Liseta, Annà... Entau s'aparentan a de villàs de vila batejadas dau mème biais.
Miquèl Decòr a causit d'evocar lo destin tragic o malaürós d'unas femnas e filhas presas dins la chavana de la guèrra, victimas de degalhs collateraus.
Aquestes tèxtes fan resson e son lo pendent umil – rapòrt a la situacion de las femnas de l'epòca – a Agost de guèrra publicat en 2007 dins la colleccion A Tots de l'IEO. I trobam la mèma ambicion de l'autor de rendre justícia a d'èssers simples sovent moguts per l'amor.
Aquesta publicacion, fisada per Miquèl Decòr a l'IEO-Erau, l'autor l'aurà pas vista espelir, que se n'anèt dins l'annada. Grand gaug que n'auriá agut...

12,00

Bas newsletter

Nos volètz trapar ?

Haut newsletter
Lo locau e la botiga son actualament dobèrts !

Adreça

15 avenguda Alphonse Mas
34500 BESIÈRS

Oraris

Dimars : 10h-16h

Telefòne

+33 (0)6 65 17 40 85
website email 
Bas newsletter
Email Marketing Powered by MailPoet