|
|
|
Las darrièiras informacions de l'IEO Erau
|
|
|
|
Au nom de la lenga, títol d'un ensag dau Sèrgi Javaloyès (Reclams, 2015) e interrogacion dau Joan Loís Blenet dins sa cronica çai-jos; au nom de la lenga podèm pas que plànher la despartida dau paure La Sauze que se ven de morir aqueste diluns, daissant entristesits los amoroses que sèm de sa bona lenga nòstra, de sa votz, de sos tèxtes...
|
Au nom d'una lenga caparruda e granada que farà tota la setmana l'actualitat de la bona vila d'a Seta, que giscla e que resclantís dins Erau e d'en pertot a travèrs eveniments e cronicas que vos prepausam aquí. Amb una pichòta aureta que nos ven, saique refrescar, de la Cordilhièira de las Andes e lo cd novèl de Patamanta. E mai.
|
Es, ne siái segur, au nom d'aquesta lenga que vos marcaretz a l'IEO (e òc, pica la mala ora, aquela de faire lo chèc) e que nos faretz prodèl !
|
E... rau!!
|
|
|
|
Qué de nòu ?
|
|
|
|
|
Adieu brave mond, pica per ieu l'ora de far la lenga e de vos venir enfectar un pauc, coma cada annada. Per vautres es la mala ora, aquela que vos cau faire lo chèc... e renovelar (o faire lo primièr pas) vòstra adesion, dintrar dins lo vam que nos pòrta, nos faire prodèl au travèrs las 27 associacions que federam aicí en tèrra d'Erau, e amassa faire país, faire lo país que nos agrada, que ne somiant, aquel que se i parla, escriu, canta, dança e viu en lenga nòstra.
Als uòlhs de l'Estat francés sèm pas grand causa, mas sens vautres sens pas ren. Alara...
|
|
|
|
|
|
|
Es sus lo site de País Nòstre qu'aprenèm la despartida de La Sauze una de las voses bèlas de la ja anciana "nòva cançon occitana".
Una votz e una pluma...
Pichòt omenatge en cançon per una capelada postuma.
|
|
|
|
|
|
|
Quand un joine s’es mes dins lo cap d’anar quèrre l’aventura a l’Estrangièr, i a pas grand causa de far per lo reténer. Alara çò melhor es d’acompanhar son projècte. Aquò pòt anar amb qualques conselhs pas tròp peremptòris, per l'assadolar pas coma dison.
|
|
|
|
|
|
|
Bonjorn, e bonna annada !
Ai lo plaser de vos presentar un CD de musicas de Bolivia, titolat Carnaval Yungueno, que ven d'espelir e onte joguère la flabuta sonada "quena", d'origina amerindiana.
Sus aqueste CD trobaretz un florilègi de musicas autenticas d'aquel pais, que sas culturas minorizadas an tan patit dau mesprètz colonizator coma l'occitana.
|
|
|
|
|
|
|
Los mots trachats de l’Uc Jourde.
Seguissètz la flècha.
Amb la solucion de la grasilha precedenta.
|
|
|
|
|
|
|
Dimenge 15 de genièr - 15 h
Grande salle, paroisse Sainte-Thérèse des Métairies Rue du Clair Matin
amb Biscam pas.
|
|
|
|
|
Encara a l'aficha !
D'eveniments n'i a d'en pertot, i tombaretz en picant sus los images.
|
|
|
|
|
|
La revista de premsa
Tornatz trobar las cronicas setmanièiras e bonas fuèlhas localas.
|
|
|
|
|
|
La cronica de Joan Loís Blenet
|
Nomenar la lenga es la caracterizar. Longtemps la nòstra èra nomenada solament patés per lo
poder per li denegar sa qualitat de lenga. Apellacion pejorativa que popularisèt. Aquò realizèt çò
que disiá la denominacion : es pas una lenga adoncas se transmet pas.
|
|
|
|
|
|
|
Lo president Lula a pas mancat de convidar lo vièlh cap autoctòne Raoni per son intronizacion. De mai, ven de nomenar una militanta dels dreits dels pòbles autoctònes a un ministèri tot nòu dels pòbles indigènis. Es pas l’òbra que va mancar a la deputada federala, filha del pòble Guajajara-Tentehar dins lo Nòrd-Este. Fins ara, Sonia Guajajara (utiliza lo nom de son pòble coma nom d’ostal) èra la coordinatritz de l’Articulacion dels pòbles indigènis de Brasil. Es la primièra indigèna nomenada a un tal pòste de ministre.
|
|
|
|
|
|
|
Mescladís de Bobí lo contejaire
|
Espèri qu'avètz passat un bon ressopet e pres de bonas resolucions !
Vos desiri una bona annada, plena de bonaür e de santat !
Per començar perqué vos lançatz pas dins la practica de l'occitan ?
(Fòto Patrici Baccou)
|
|
|
|
|
|
La guinhada de l'IEO d'Erau
|
|
|
|
|
La guinhada de l'IEO d'Erau
|
Diga ! Dins aquela França dau sègle XXI se ne passa totjorn de maduras. N’i a qu’an d’idèias a cochar defòra. Aquí la darrièira de la setmana passada : lo cònsol de Pantin, per promòure l’egalitat femna-òme, feminiza lo nom de sa vila per un an -pas mai cau pas galejar !- e fa de Pantin, Pantine !
|
|
|
|
|
|
Per sorire...
|
|
|
|
|
Lo sorire de la setmana amb l'IEO Erau.
E... rau!!
|
|
|
|
|
|
|
|
|
Nos volètz trapar ?
|
|
|
|
Lo locau e la botiga son actualament dobèrts !
|
Adreça
Oraris
Telefòne
|
|
|
|
|
|
|