|
|
|
Las darrièiras informacions de l'IEO Erau
|
|
|
|
|
Dempuòi que se'n parlava jos las platanas, digús vesiá pas res venir e de la lòna a las garrigas nautas, de Serrana a Sant Clar o au Mont Sant Lop, d'unes, dins los enbasses, s'èran daissar anar a parlar de "bosigaulada" dins lo temps que d'autres, enrasigats prigond dins lo calcari, repapiavan mai a quauques mascacariás de las fadas...
|
|
Saique s'enganavan pas d'a fons, qu'aquela letra la voldriam tant amusarèla qu'encantarèla, la mai complèta que se pòsca per vos donar una idèia setmanièira dau rebaladís menat aicí en tèrra d'Erau per lo trentenat d'associacions que sèm.
|
|
En seguissent los dralhòus enflorits de l'internet, descobriretz lèu que la letra es pas que la part vesedoira dau site novèl qu'estrenam. Sos ligams vos menaràn sus lo blòg novèl E... rau ! que pòrta d'ara endavant la paraula nòstra e l'evenemencial d'aquí amb sempre los meteisses collaborators, las cronicas costumièiras, e tot un fum de causas novèlas, e tot, e tot...
|
|
La letra, lo blòg, emai tanben un espaci dedicat a cada cercle que siái un pauc a la ramassa per lo rensenhar. (me mandèssetz entresenhas e fòtos de bona qualitat, m'ajudariatz)
|
|
Traparetz tanben una Botiga desmaterializada qu'i poiretz faire caufar la carta blava per crompar libres vertadièrs. (un trentenat de nòstras edicions per començar)
|
|
Perdonaretz las imperfeccions e los trastejaments de la començança, -un ase que fa çò que pòt es pas una missanta bèstia- mancaretz pas de pelfinar l'òbra en me disent çò que va pas, e me petaçarai se pòde per o metre en musica.
|
|
|
|
|
|
Qué de nòu ?
|
|
|
|
|
|
|
Aqueste bèl 25 de setembre a Cessenon d'Òrb, mercé LA BURLA, dins la plan nomenada sala de l'Occitania l'IEO34 tendrà son AG annadièira.
I sètz totas e totes, sòcis o pas, convidats.
E... rau!!
|
|
|
|
|
|
|
|
|
|
|
Vejatz-aquí los corses d'Occitan dins Erau per l'annada 2022-2023. E, ...rau !!
|
|
|
|
|
|
|
|
|
|
|
En dobertura de la fèsta del bolechon del dimenge 31 d’agost d’aqueste an, la medalha d’onor de la vila de Mèsa foguèt remesa per Monsur lo cònsol amb solemnitat a Jaumet e a Carmèn per lo ròtle qu’an jogat dins lo manten e lo desvolopament de la lenga e de la cultura occitanas.
|
|
|
|
|
|
|
|
|
|
|
Dissabte 24 de setembre de 2022 a Puòg Abon, balèti tradicionau occitanò-quebequés a 21 oras amb Biscam pas (duò) : danças tradicionalas conviventas, que podètz aprene sus lo luòc..
|
|
|
|
|
|
|
|
|
|
Cercle occitan dau Clapàs
|
|
Lo cercle occitan dau Clapàs fa sa rintrada, corses d'occitan, danças e mai...
|
|
|
|
|
|
|
|
|
|
Cercle occitan dau Lodevés
|
La passejada de las sopas mondialament conoguda es per 2022, aqueste 2 d'octòbre que ven.
Organizada, e de quin biais !, per lo cercle dau Lodevés e Ciá.
|
|
|
|
|
|
|
|
|
|
Quand las repeticions tòrnan començar...
Nadalenca Còr d’òc torna prene sas repeticions dimars 6 de setembre de 7oras a 9 oras.
Trabalham actualament a un concèrt-espectacle sur l’Amor en Occitania dempuèi l’Edat Mejana fins a uèi. Rejonhètz-nos per participar a aquel projècte bèl e far viure nòstra lenga e nòstra cultura !!!
|
|
|
|
|
|
|
|
|
|
|
"Quand la padena sentís, los valents nasejan..."
|
|
|
|
|
|
|
|
|
|
La revista de premsa
|
Tornatz trobar las cronicas setmanièiras e bonas fuèlhas localas.
|
|
|
|
|
|
|
|
Mescladís de Bobí lo contejaire
|
La cronica de Bobí lo contejaire nos mena uòi plan luònh...
|
Las vacanças son acabadas per fòrça mond. Banhaires, passejaires al lac del Salagon e tanben al flum Erau ne mancava pas! Amb lo calimàs lo banh èra mai qu'obligatòri!
Fa de temps que los lacs, las ribièras son d’endreches meravilhoses mas tanben luòcs de crèbacòr per l’òme.
|
|
|
|
|
|
|
|
La rubrica de Tè Vé Òc
|
|
|
|
|
|
|
L'emission TV de la setmana, de mancar pas !
Uòi: "Sextine en país d'Òc"
|
|
|
|
|
|
|
|
La guinhada de l'IEO d'Erau
|
|
|
|
|
|
|
La guinhada de l'IEO d'Erau
|
|
Diga ! L’estiu s’estira, mas nom d’un chichorlet, per un còp, aguèrem un bèl estiu… Ploguèt de brasa tres meses a de reng. E mai tustèt quicòm lo Maomet, solelhàs, calimàs, caumanhàs, la totala ; garrigas e pinèdas enfuòcadas, toristalha ratatinada, vegetacion usclada e tèrra fendasclada.
|
|
|
|
|
|
|
|
Per sorire...
|
|
|
|
|
|
|
Lo sorire de la setmana amb l'IEO d'Erau.
E un parelh So British de mai per la rota...
|
|
|
|
|
|
|
|
|
|
De legir
|
E... Rau! son tanben nòstras edicions. E avèm totjorn de pan sus la canissa !
|
|
|
|
|
|
|
|
|
|
|
|
Dins Fin’amors triptic ...e mai de Miquèla Stenta, lo raconte correspond en granda partida al títol, un pauc enigmatic, mas lo lector descobrís lèu, a dicha qu’avança dins las paginas, qu’aquesta dimension estetica e picturala es pas la sola, e benlèu pas la mai importanta. D’efièch, tota aquesta òbra corta e fòrta per son autenticitat tematica, es una longa vibracion musicala, un fremiment continú de voses, de sons, de silencis, d’ombras, de tempo mestrejat, d’armonias subtilas organizadas mercè una construccion en tres movements, coma un concèrto, sens oblidar lo scherzo final. Una istòria d’amor ? Òm pòt escriure de somas sul subjècte coma Belle du Seigneur d’Albert Cohen, o Ada de Nabokov, o escriure « tot simplament » aqueste triptic, cort, en fusion, d’un poder expressiu e d’una densitat impressionanta, deguts, de segur, a la frequentacion dels Trobadors e a lor exigéncia formala. Lo roman nos rend d’alhors lor preséncia quasi sensibla. Lo raconte realiza lo miracle (son de causas qu’arriban) de far coabitar dos monds diferents, d’èstres que se cèrcan, se tròban, se pèrdon, e… Lo miracle d’entrebescar dins la vida vidanta de tempses istorics e d’espacis diferents, d’espacis interiors tanben, e de far d’un viscut talament personal - pudicament personal- una experiéncia universala. La literatura occitana es al començament de la literatura occidentala modèrna, mila ans après, es encara viva e a pas oblidat sas originas. Lo florilègi final n’es la confirmacion.
|
|
- Florian Vernet, 24/10/21
|
13,00€
|
|
|
|
|
|
|
Nos volètz trapar ?
|
|
|
|
|
Lo locau e la botiga son actualament dobèrts !
|
Adreça
Oraris
Telefòne
|
 
|
|
|
|
|
|
|
|
|
|
