Un conte anonim que nos ven dau mond arab amb una revirada occitana dau Miquèl Pedussaud.

Un jorn, Timor s’anuejava fèrme e decidiguèt per se distraire de se trufar dels cortesans.

–        Qual soi ? – demandèt a l’astrològue, – un tiran o un governador ?

–        Un governador, respondèt lo cortesan.

Foguèt escapitat sulpic.

L’emperador s’encaminèt cap a un segond cortesan :

–        Tu tanben pensas que soi un governador ?

–        Non Majestat, siás lo tiran mai poderós de la tèrra !

Lo sobeiran ordonèt la meteissa senténcia.

Fin finala, s’adreicèt a Nasrudin :

–        Que ne pensas tu ?

–        Siás pas un tiran nimai un governador, respondèt.

–        Explica-te !

–        Foguèsses un tiran, demandariás pas res a de paures cortesans. Foguèsses un bon governador, castigariás pas los òmes que dison la vertat.

 Per èsser complet aquí la sorga : contes cortets anonimes tradicionals revirats de l’espanhòl, tirats d’aquel site : https://ciudadseva.com/biblioteca/indice-alfabetico-minicuentos/