Lo Clacamion, ua seria locala e universala

Lo Clacamion (lo food-truck en occitan), qu’ei la navèra seria d’Eva Cassagnet, autora e realizatora bearnesa-bigordana qui demora a Vinhas (64).

Mantuns còps per setmana, sus la plaça deu vilatge, s’installa lo Clacamion. A la carta, la cosina vegetariana deu Jordan, 25 ans, e la cosina “veguit” de la Danièla, la grand-mair de 70 ans, qui prepausa ua carta plan inspirada de las recèptas tradicionalas, dab fòrça carn.

Aquesta seria de 20 episòdis bracs (2min30) conta los trebucs quotidians deus abitants. Istòrias de caça, de tria selectiva, de barradura de la Pòsta, de pelèjas vegetarians versus carnivòras qui parlaràn a tots los qu’an conegut de pròche o de lonh la vita a la campanha.

Ua òda a la ruralitat plea d’umor de non pas mancar !

Qu’i troberatz monde qui conençan a aver hèit la loa plaça desn lo cinema occitan.

La seria qu’ei produsida per Saison 5, coprodusida per Octele e TV7, sostenguda per la Region Navèra Aquitania, lo Despartament de Las Lanas e lo CNC. Lo Clacamion qu’ei actuaumenten linha suu site de Òc tele (octele.com) e sera difusat sus TV7 en març.