Divendres passat se defuntèt lo paure nòstre Pau Barsagòl.
Sortit de Niana, professor de francés d’espanhòu e d’occitan, de Losèra au Mas de Tesse, discípol de Robèrt Lafont, portèt la lenga nòstra d’en pertot ont èra e mai que mai dins los corses de l’IEO de Juvinhac, Niana, au Puòget…
Reborsièr de la plena pèl, amator de grands vins, lo paure el, aqueste còp, s’es arrestat de beure.
Li farem l’omenatge lo dijòus 3 d’abriu a Gramont, au complèxe funerari dau Clapàs, a 14h45.
Aquí, per far memòria, un extrach d’una vidèo de Jan Rieupeirós d’un dels primièrs cafès descabestrats de la Roquetia que Pau nos i parla d’Aubanèl dins lo parlar das Innocents.
Cars Amics
Voli ,amb aquel mot vos mercejar plan de m’agure informat del decès de mon Amic Pau BARSAGOL
Pendent un fun d’annadas Pau es vengut chaca dijous faire lo cors d’OC e aquo era un gran plaser per naoutres ,ne gardaren un sovenir maravilhos. nos a balat un pauc de son amor per la lenga nostra e sa disparicion nos fa gran pena. Mancara força a nostra familha. Adiu l’Amic te desoplidarem pas jamais.
Jaumet CADILHAC dau Piochet