AG 2024 IEO34

Dissabte 27 d’abril Sala Pau Arnaud – MASSILHAN

Es sus un gròs 10 oras que lo President Albèrt ARNAUD dobriguèt la sesilha tot mercejant lo Cranc de Massilhan de sa bona aculhença.

Ania Tobena dau Cranc nos ditz la benvenguda e merceja la comuna de Massilhan per lo prèst de la sala e l’aperitiu que serà ofèrt totara en preséncia dau Sénher Yves Michel, lo cònsol, que nos vendrà saludar.

Puòi En. ARNAUD rementa l’òrdre dau jorn :

9h30  acuèlh dels participants

10h dobertura de l’AG

10h 10h30  presentacion et vòtes dels rapòrts morau, d’activitats  et financièr.

10h30 – 11h15   paraula als representants dels cercles e associacions

11h15 –  12h00   paraula als sòcis

12h00  recepcion dau cònsol de Massilhan, En Yves Michel

Vin d’onor.

Presentacion dau rapòrt moral per Albert Arnaud, dau rapòrt d’activitats e dels projèctes per Domenge Caucat lo salariat de la seccion departamentala, dau bilanç financièr per lo clavaire Danís Plancade.

Los diferents rapòrts son someses als vòtes dels presents.

Compte rendut de las votasons

Participacion :

Marcats : 120

Votants : 50

Poders : 11

• RAPÒRT MORAL E D’ACTIVITAT DE 2023  :

Aprovat a l’unanimitat

• BILANÇ FINANCIÈR DE 2023 :

Aprovat a l’unanimitat

Albèrt ARNAUD fa la crida a candidatura. Joan Frederic Brun se fa portar e es ellegit a l’unanimitat dels present.

Composicion dau CA

ARNAUD Albèrt President

STENTA Miquèla Vice-presidenta

ROQUES Micaëla vice-presidenta

PLANCADE Danís Clavaira

BOUSQUET Francesa Secretària

LANDIÈR Miquèl Clavaire adjonch

THIBAUD Cristòu Secretari adjonch

Los sòcis dau CA son:

ASTRUC Brunon

BARBASSAT Silvia

BOUDET Gabí

DAUNĺS MARTĺ Josiana

ESCAMEZ Catarina

GROS Bertrand

MESTRE Linà

Que son donc rejonches per Joan Frederic BRUN.

L’AG abòrda lo subjècte dels escotissons. Domenge fa part dau trabalh menat en comission au dintre de l’IEO OPM e convida lo mond a anar a l’AG de l’IEO federal a Nimes lo 4 de mai que se debatrà aquela mocion.

Son puòi las intervencions dels cercles que seguisson.

A l’arribada dau Sénher Yves Michel, lo cònsol de Massilhan, lo trabalh de l’AG es conclut per l’escotar a l’entorn d’un veire.

Après lo dinnar, es l’Albèrt Arnaud que nos fa las onors de nos presentar la Mariana de Massilhan, la tota primièra estatua que ne siaguèt facha en França.

Ai d’aqueles massilhaneses !

Mandarem los diferents rapòrts als sòcis que ne faràn la demanda: ieoerau34@gmail.com