Devisas dels departaments franceses

Los departaments, aquò’s un aquesit de la Revolucion francesa. Se sap de l’idèia d’un que voliá metre un quadrilhatge de departaments carrats sul territòri francés. S’inventèt de territòris inexistents: se siás de Menerbés, perqué èsser d’Erau o d’Aude? Se siás de Fenolhedés, perqué te trapar minoritari dins un departament catalan en plaça d’èsser audenc? Los exemples se pòdon multiplicar.

Per comprene lo descopatge e l’ideologia jos-jacenta de la causa, anam espepissar los trabalhs sus las devisas e dires estacats als departaments de França mercé a l’estudi menimós menat pel Miquèl Fa-La-Farigola del Palatz d’un biais lèu-lèu (valent-a-dire d’una faiçon exprès) que nos revelarà lo perqué del coissin e lo cosin del parquet de las causas.

Primièr tèrç dels departaments de França

01: Ain: Cossí? Sèm los primièrs? Es pas possible!

02: Aisne: L’òdi es marrit conselhièr.

03: Allier: Sèm prèstes de nos aligar amb qual-a que siague, del moment que serà per nòstre profit.

04: Alpes de Haute-Provence: Nosaus de debàs nos an mes en altituda: las causas cambian

05: Hautes-Alpes: E òc, sèm auturièrs!

06: Alpes-Maritimes: Nos passam la vida coma un Carnaval de Nissa!

07: Ardèche: Çaquelà es plan polida la montanha, non?

08: Ardennes: Lo singlar ròda dins lo bòsc d’Ardèna.

09: Ariège: Arièja, mon país, ma tèrra tant aimada… 

10: Aube: Tantòst, tantòst, tornarà l’alba…

11: Aude: Sèm totjorn d’Atax…

12: Aveyron: Roèrgue, si… 

13: Bouches du Rhône: Buòus de Camarga e sardas del Pòrt-vièlh… 

14: Calvados: Sabèm perqué l’Èva volguèt amassar pomas…

15: Cantal: Cantal, totjorn en forma… 

16: Charente: Se passar la vida en pantoflas 

17: Charente-Maritime: Las pantoflas son banhadas

18: Cher: Res/Tot es tròp car per nosaus.

19: Corrèze: Nòstres vestits son de tul.

20: Corse: Corsica, bella isula 

21: Côte d’Or: Avèm mai que las costèlas d’aur… 

22: Côtes d’Armor: La mar, totjorn recomençada… 

23: Creuse: A dich de cavar, traparem la cava! 

24: Dordogne: Trufas negras e patanas sarladesas…

25: Doubs: Dins lo dobte, val mai s’absténer.

26: Drôme: Que siague aerò, autò, bolò, ipò, velò o…, sèm totjorn dròme!

27: Eure: La mitat a l’ora d’ivèrn e l’autra a l’ora d’estiu.

28: Eure-et-Loir: La missara es un animal puntual.

29: Finistère: Quand s’acaba la Tèrra, comença la Mar…

30: Gard: Paire, gardatz-vos a dreita; gardatz-vos a esquèrra…

31: Haute-Garonne: A! se Garona aviá volgut…

32: Gers: Al reialme del fetge gras! 

33: Gironde: Sèm girondin-as-s e pas magrinèl-a-s! 

Emprefecturat Roch

(de seguir)