Mescladís, de Bobí lo Contejaire. (Robèrt Pastor) Cada dijòus dins Midi Libre, Pays coeur d’Hérault, edicion de Lodèva.

 « Aquò èra mai bèl, d’un còp èra ! » Mas qu’es aquò qu’èra melhor : lo biais de viure, de s’amusar, de manjar, de se sonhar… ? Dempuèi de decennis las coneissenças, las sciéncias, la communicacion, l’informacion envasison la nòstra vida vidanta, lèu fach, un pauc tròp rapidament per qualques uns…

 Vertat que de còps sembla que podèm pas soscar, aprigondir las causas. Avèm mai d’activitats, fasèm un fum de causas, sèm de mai en mai sollicitats.

De ièr a uèi, la populacion del mond es passada de 2 miliards en 1900 a mai de 8 miliards a l’ora d’ara.

Alavetz las vertats de ièr son pas aqueles d’uèi !

Mas i a una constanta mondiala: mai de 80 del cent de la populacion se trapa dins las ciutats (aqueles de mai de 5000 estatjants) . « Es pas coma un còp era ! » : metròpòlis gigantas, megapòlis, megalòpòlis de mai de 30 milions (Hòng-Kòng-Tòkiò-Shangai-Saò Paulò…).

Alavetz consi viure e de còps subreviure dins aquelas ciutats tentacularas ont precaritat e misèria costejan insalubritat (barri de barracas) exuberància de la nòstra societat de consomacion.

Dins los nòstres paises « rics » vivèm mai de temps : per exemple  69 ans per las femnas en 1950, 85 a l’ora d’ara (63/80 per los òmes).

Mas las dictaturas, las guèrras, las marranas (veire Covid) son totjorn d’aquel mond !

Melhor d’un còp èra ? Benlèu pas, mas diferent.

E per deman ?  Escotatz lo « Devinaire » : « Finida la barbariá.Qual n’es solid ? Lo vesi pas clar lo temps novèl… mas amb l’amor, consí que siá, lo passaretz lo temps novèl ! » (de Joan Bodon « lo temps novèl » dins los « Contes dels Balssàs »-IEO edicions) . Es benlèu vertat ?

A lèu lèu e tenètz vos fièrs !


 

 

0 commentaires

Soumettre un commentaire

Votre adresse e-mail ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.