Coma un peis dins l’aiga…

Aprèp l’entomologia e l’ornitologia, s’aquò vos desrenga pas, me vau ensajar a l’ictiologia.

• L’alausa, dura coma una pèira.

• L’anchòia bada lo cloquièr de Cotlliure.

• L’anguiala es la sèrp de las aigas.

• Lo bon anquet fa lo bon pescaire.

• Sèc, sèc, sèc coma una arencada.

• Lo barbèl se crei lo mai bèl.

• Contra corrent, totjorn nada la trocha.

• L’auriòl a nòu escalhas que filan dins l’aiga clara.

• Lo baudròi, òi, òi, òi!

• Lo cabarlàs, lo plen cabàs.

• Lo capbernat crenta lo bernat-pescaire.

• Lo capelan escota restontir l’Angelús.

• La carpa jòga de l’arpa.

• Lo carrelet vira en redond.

• Lo caval-marin avança al triple galaup.

• Lo cavilhon se crompèt un pavilhon.

• La clavelada ditz pas un mot.

• Lo congre: grrrr grrrrr grrrr!

• La garlesca, la plena desca!

• Gaunhas que gaunharàs, peisses agantaràs (o: pas!).

• Lo gòbi manca pas de gaubi.

• Lo gojon sòmia del cèl estelat de Fontjoncosa.

• Lo gronhau gronha e regronha.

• L’ipocamp sap pas qu’un camp causir.

• Lo jòl se monta lo còl.

• Lo macarèl es un brave pegasolet.

• La morena brunís al solelh.

• La nauqueta a plens nauquets.

• L’ombra nada de nuèit.

• La palaiga s’agrada dins l’aiga.

• Lo pataclet es patacort.

• Peis-volant cèrca son collèga aucèl-nadant.

• Lo pescafin aimariá pescar gròs.

• Se vend pas de potina en Ucraïna.

• La raia es tota estriada.

• La rascassa ten brava carcassa.

• Lo roget dins un riu de Lilla o de Marselha.

• Lo romb dança la rumba.

• Lo salmon a tres palmons.

• La sarda tornarà blocar lo pòrt de Marselha.

• La sardina, quala dòrm dinna.

• Pas aisit per la sòfia de jogar de bodega jos l’aiga.

• Tap que dòrm aganta pas peis.

• La tencha ten escaumas mirgalhadas.

• Ton sus ton, qual es lo bon ton?

• Ton sus ton, ont es lo ton?

• Traucapaissièra es interdit de sejorn a Ladèrn.

• Tregan es pas un peis vegan.

• Lo vairat totjorn varia.

• Lo verdon en cèrca d’una frau.

E fin finala: « Anirem totis a Pinsaguèl, pescar la sòfia e le barbèl, e le que atraparà le pus bèl, serà decorat d’una mèrda de gat ! »

Pescador Roch