Nòvas literàrias a la tusta-limbusta (2)

Vaquí d’autras entresenhas importantas sus la percepcion de las òbras de las escrivanas e dels escrivans que vos ajudaràn per legir melhor e amb un autre esperit poèmas, romans e autres racontes que siaguen en occitan o dins quna lenga que se parla e s’escriu sus la planeta.

- Jack London jamai anèt en Anglatèrra.

- Es la gata (miau!) Christie que mena l’enquista.

- Lo Faulkner mancava pas de nèrvi als balètis fòlcs.

- 1984 d'Orwel es un libre bravament despassat!

- Hemingway vòl pas signar la peticion per la liberacion de Watson.

- Ai plan aimat legir los romans de Jorge Amado.

- Val mai lo golash que lo golag (Alexandre Soljenitsyne)

- Lo mes de mai inspirava Maïakovski.

- Dostoïevski èra un grand campion de davalada (de vodcà).

- Cada dimenge, lo Günter Grass s’ocupava de sa pelena.

- Se considèra Maurici Leblanc coma un precursor del roman negre.

- Gaston Leroux, tres bolats de chicorèia e ròtla la bilha/la vida.

- Frederic Dard, l’umor fissaire del commissari San-Antònio…

- Cò de Nestòr : lo nom de la botiga de sacas e de malas de Leò Malet.

- Pepe Carvalho anèt seguir un USAP-Montalban.

- A portada de bigatana de Vigàta, rescontrèri Montalbano e Camilha-Eric.

- Dins una trattoria de Venecia, amb Brunetti e Dona Leon.

- Italo Calvino e son baron-crincat-esquiròl suls arbres del traçat de l’A-69.

- Dino Buzzati se demandèt s’escriviá Lo Desèrt dels Catars o Lo Desèrt dels Camisards.

- A fum en half-track dins la Prada granda amb Tony Hillerman e Jim Chee.

- Asimòv asimava los èxtra-terrèstres.

- Ian Fleming comptava pas mai luènh que 007!

- Arthur Upfield escriguèt 29 libres sul policièr aborigèn Napoleon Bonaparta.

- Los romans d’Indridadson : negres coma un volcan atudat.

- Kundera davalèt del trin, gara de Milan.

- Lo paure Franz Kafkà patiguèt d’una vida kafkaiana.

- Sigmund Freud, estirat sus son canapè, èra plan flac.

- Lo Manu Kant canturlejava « Kant èri pichonet…»

- Lo Cant general, cant de revòlta totjorn d’actualitat del Pablò Neruda.

- Daissar un mot sus la tomba de Machado a Cotlliure.

- Descartes anava consultar regularament una tiraira de cartas.

- Quna susada l’escritura per l’Eugèni Sue!

- Teofil Gautièr : tessièr gautut e totjorn al fial.

- Tartarin de Tarascon arribèt jamai al molin de Daudet.

- Mallarmé anèt pas a la guèrra.

- De qué faguèt de la lana del moton lo Prince pichon?

- Sartre cerquèt l’adreiça d’un bon sastre tota sa vida.

- Maurici Carême escriguèt un poèma suls Carnavals de Riò, Venisa e Niça (mas: pas Limós!).

- Blasi Cendrars, lo folzejat del Transsiberian.

- Maurici Panhòl èra pas espanhòl.

- Andrieu Chamson coneissiá la cançon.

- Robèrt Desnòs destriava los pelicans: «Ont es passat lo Jonatan?»

- Pierre Reverdy, poèta del reviure.

- Arrèsta ton carri, Renat!

- Claudèl, ne farai pas tot un camembèrt!

- Al pianò, Aragon multiplicava los triolets.

- Cada ser, un bolat de tisana de valeriana per Paul Valéry.

- Josèp Deltelh escriviá amb la fòrça d’un boscassièr.

- Degun balhèt lo Bon Dieu sens confession al Bordieu.

- Gui dels Cars a la davalada del bus.

- Joan-Pèire Chabròl, autentic cevenòl: visca lo pelardon!

- Simòna Weil, l’agach clar sus l’Edat-mejana occitana!

- Albertina Sarrazin, astragala e martingala!

- Margarida Duràs publiquèt a las edicions de Mièjanuèit.

- Joana Bourin al pas de sa cavala.

- Miquèla Barrière a la taula de l’istòria.

- Maria Darrieusecq se legís los jorns de pluèja.

- Virginia Woolf, un (es)crit coma un udolament de loba!

- Un libre de Francesa Mallet-Joris dins la maleta.

- Ménie Grégoire, una rèire-neboda de l’abat Grégoire.

- E qun rambalh a l’ostal de Francesa Sagan…

- Danièla Sallenave, e la nave va…

- Frèd Vargàs, la crenta de las tarentulas.

- Non, anirai pas escupir sus Amelia Nothomb…

- Boris Vian, un brave galapian…

- Pas besonh d’engatjar fraisses per legir Michel Onfray.

- Erik Orsenna jamai dintrèt al Senat.

- Pensatz que lo Danièl Pennac ten una villà a Malaussèna?

Escrivassièr Roch (de seguir)