Associar aqueles mots sembla contradictòri, un oximore per parlar saberut. Mas veiretz qu’avèm un ingèni coma sempre França ne porgís per los faire juntar. O sabètz, la Constitucion es dins l’actualitat. Primièr per la lei d’immigracion e ara per la reforma que se fa per i cabir lo drech d’IVG. Seriá una garentida estent que i balhariá una bona assegurança contra los trebucs de la politica.

Sus aqueste sicut lo President dau Senat, importantissim personatge de l’Estat, nos faguèt la mòstra bèla de son art dau comic absurde. Es un art gaireben filosofic qu’ensajam modèstament de pintar. Aquel President afortiguèt lo mai seriosament que, coma « lo drech d’avortament es pas menaçat aquí, es pas necite de lo marcar dins la Constitucion ». Vaquí una frasa que sembla plan bastida e qu’a una mina de bona logica. Es aquí que se trapa la subtilitat d’aquel comic : lo president afortís que cal pas prene d’assegurança quora tot va ben. Mas que de segur, aprèp l’accident, serà ora de trapar un asseguraire !
E en grand comic, nòstre « Laurel Senatoriau » gardèt la mina plan seriosa per afortir una cofa mai gròssa qu’el. Li’n podèm suggerir una autra per completar son numèro. Dire que coma l’IVG concernís pas que la femnas, va contra l’egalitat e per aquò a pas sa plaça dins la Constitucion. CQFD.


La traduction de cette chronique sur Midilibre.fr
brown wooden sticks on black surface

0 commentaires

Soumettre un commentaire

Votre adresse e-mail ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.

0 commentaires

Soumettre un commentaire

Votre adresse e-mail ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.