lo Dimècres 19 de març a partir de 19 oras a la Calandreta La Garriga camin de Carabòtas* a GINHAC
Projeccion de la legida dau libre, L’olivièr o la Resurreccion de l’Eternal, escrich per Claudi Marti e illustrat per Pèire François.
« L’istòria de l’umanitat pels uèlhs d’un òme e de son estacament a l’aubre nòble: l’OLIVIÈR. »
Puòi diaporama sus Claudi Marti e una presentacion de Pèire François per Isabèla, sa filha, que sortirà causòtas d’una mala…
e coma de costuma sopar partejat: “Venètz e portatz”.
Quau de beure, quau de manjar, quau de dire…
* PER TRAPAR LA CALANDRETA de GINHAC, es camin de Carabòtas, còsta lo licèu agricòla.
A750 dusca a Ginhac, 1ra sortida (mèfi es missanta a 130 a l’ora) après lo pont sus Erau per los que davalan de Lodèva o que venon de Besièrs; 2nd sortida per aqueles que montan dau Clapàs. Arribatz dins una giradoira direccion Belarga, Canet, Montanhac en daissant Ginhac dins l’esquina. Un parelh de quilomètres, una autre giradoira. 1ra a drecha es lo camin de Carabòtas que vos cau davalar. Après lo licèu agricòla auretz la Calandreta aquí tocant.
Se coma los Innocents passatz per Niana, a l’arribada dins Ginhac cau tirar drech (es un biais de dire qu’es pasmens melhor de faire lo torn de las giradoiras). Direccion Belargà, Canet, Montanhac. Daissar la zòna comerciala a man drecha (Intermercat, …) e sautar l’autovia en sortissent dau vilatge. Ginhac dins l’esquina, un parelh de quilomètres dins lo campèstre, mai una giradoira. 1ra a drecha, cau davalar cap a Erau lo long dau licèu agricòla. La calandreta polideta es aquí tocant, un bastiment de fusta au fons de la cort, una grasilha blanca.
Se tombatz dins Erau amb la veitura es que sètz anats tròp luònh.
Aquel qu’es pas content, que se crompe un GPS o que me sone 06 65 17 40 85…
Organizada per De Còr d’Erau, la calandreta La Garriga e lo cercle Max Roqueta.
0 commentaires