La sopa anti covid (tèxte de Nathalie Roure Hancelin/revirat en occitan per Cristina Barnier)
La davalada es aqui, la natura a causit sa paleta de bèlas colors, las seradas frescas succedon a las tantossadas ensolelhadas e nos remembran qu’es lo temps de las sopas ! Vos prepausi unA bona recèpta de sopa anti-covid.
Cal prendre la mai polida de totas las sopièras del servici.
– Una bona botelha de paciéncia (botelha de bon vinhal)
– Una culhièra de coratge
– Qualques sorrires
– Una bona dòsi d’umilitat
– Un bon quilò de creativitat
– Plan bolegar ; pels que pòdon encara ne trobar, apondre un rire d’enfant.
– Plan installats, saborar plan planet, en esperant que lo temps passa. Cal pas tot beure d’un còp. Cal èsser parcimoniós.
– Es possible de difusar largament la recèpta que contribuirà a tocar Nadal amb serenitat.
Nathalie Roure Hincelin
0 commentaires