L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA.
Ivona BEAUME, Mèsa, lo 29 de junh de 2022.
Se i a un andicap qu’irrita tant los que ne sofrisson coma los que los costejan, es plan la surditat.
Per los primièrs es pas amusant de far repetir e tornar repetir, per a la fin pas totjorn aver comprés çò que se ditz.
Los autres an pas totjorn l’enveja de repetir de longa e pèrdre lor temps amb aquò.
De còps, pòt arribar de donar de scenetas comicas :
– Vòls de cafè ?
– Non, ai pas fach un pet. Diga ! tanplan siás tu ! Rapèla-te, es la primièra pola que parla qu’a fach l’uòu. Non, mè !
Per se consolar, òm se pòt dire que tot çò que se ditz es pas forçadament interessant a ausir.
Sens comptar que de còps es plan aisit d’escapar a una corvada :
– M’as ja demandat aquò ? O sabiái pas. Ai pas entendut. È ? de qué ? Me l’as ditz 10 còps ?
– Non 2 còps.
– Alara es pas grèu.
Patin, patan, tot aquò fa que lo temps passa.
Darrièra novèla. Fin finala, vaquí que lo Covid pòt far pèrdre d’audicion, andicap mas o mens reversible. Mancava pas qu’aquò !
Sords o pas sords, avèm pas finit de n’entendre parlar d’aquel Covid.
S’il y a un handicap qui irrite ceux qui en souffrent ainsi que ceux qui les côtoient, c’est bien la surdité.
Pour les premiers, ce n’est pas amusant de faire répéter et répéter encore, pour à la fin n’avoir pas toujours compris ce qui se dit.
Les autres n’ont pas toujours envie de répéter sans cesse et perdre leur temps avec ça.
Parfois, il peut arriver que cela donne des saynètes comiques :
– Veux-tu du café ?
– Non, je n’ai pas fait un pet. Dis donc, c’est peut-être toi ! Rappelle-toi, c’est la première poule qui parle qui a fait l’œuf. Non mais !
Pour se consoler, il faut se dire que tout ce qui se dit n’est pas forcément intéressant à entendre.
Sans compter que quelquefois c’est bien commode d’échapper à une corvée :
– Tu m’as déjà demandé ça ? Je ne l’ai pas entendu. Hein ? Tu me l’as dit 10 fois ?
– Non 2 fois.
– Alors ce n’est pas grave.
Patin, patan, tout cela fait que le temps passe.
Dernière nouvelle. Finalement, voilà que le Covid peut faire perdre de l’audition, handicap plus ou moins réversible. Il ne manquait plus que ça.
Sourds ou pas sourds, nous n’avons pas fini d’en entendre parler de ce Covid.
0 commentaires