JAUMET
Jaumet se n'es anat dimenge de matin, pasiblament. La ceremonia civila se tendrà divendres lo 9 d'octòbre au cementèri de Mèsa a 4 oras.
Se cantarà l'Immortèla.
Jaumet Milhau nos a quitats e l'IEO d'Erau a perdut un de sos mai bèls pilars. La passion de la lenga que lo teniá e l'activitat que menava de longa n'avián fach un actor màger de la vida occitana en çò nòstre. Totas sas capacitats, qu'èran bèlas e divèrsas, las voliá metre al servici de la lenga e de la cultura d'òc . E aquò de maites biaisses, mas totjorn dins de fòrmas simplas, dobèrtas a totes, ofèrtas a totes.
Ensenhaire de còr e d'anma, saique un eretatge mairal, dison encara las memòrias Mesòias, Jaumet pòrtèt la lenga dins las escòlas, publicas e calandretas, elementàrias fins al collègi, e mai en defòra al public adult e demandaire. Foguèt la creacion del Buòu de Mèsa dins lo vam de l'espelison dels cercles occitans dins Erau butada per Ives Roqueta e Glaudi Molinièr. Atentiu a la cultura populara ; Jaumet voliá sosténer e metre en valor la riquesa locala de las costumas e del parlar del brave monde, aicí lo de l'estanh e de la mar.
I pòrtèt en mai son amor del cant e sa votz fòrta e bèla. Faguèt cantar la lenga, un biais dels bons per se la metre en boca. E los cercles s'escambièron lors coralas dins un ambient de cooperacion e d'amistat. De mai Jaumet organizèt de Jornadas de la Cançon Occitana que recampavan cada annada a Mèsa de grops venguts de tota Occitània, d'un relarg pro ample, per còps d'Aups a Pirenèus coma auriá presat Mistral. Jaumet pensava totjorn larg e bèl. Aital foguèt militant de l'afrairament amb los Catalans, membre actiu del CAÒC amb sa molhèr Carmèn, catalana del Pertús, que lo seguiguèt e lo sostenguèt dins totes sos engatjaments.
Inlassable, s'avisèt un bèl jorn d'escriure de romans. Prenguèt l'escampa de los dedicar a sos felens , disiá un per cadun. Son doncas de racontes pels jovents, en mena d'enquèsta policièra. Situats gaireben totes dins lo terraire mesòi, agradius de legir, mas l'autor s'es pas privat d'i enfàciar mai d'un problèma de l'ora d'ara. Lo darrièr, L'Òme d'Òrb, mena pasmens dins los monts d'Espinosa, lo país de son paire, aviá dich.
Tenguèt de longa de se mainar de las vinhas, coma tant fòrces òmes d'aicí Ni per las annadas e las empachas que menan, sempre valent èra aquí. Dins un darrièr messatge aviá agut l'idèa e la fòrça d'anma de nos dire la fisança que teniá dins l'IEO d'Erau per contunhar la lucha per la lenga e l'òbra de portar la cultura occitana.
Entre òbras e engatjaments, Jaumet desmembrava pas los seus. Volèm dire a Carmèn e als seus la pensada esmoguda dels sòcis de l'IEO d'Erau e lor presentar nòstras condolenças .
Albèrt ARNAUD - vice president de l'IEO34
Adieu JAUMET
Un darrièr mot en omenatge al fondator de nòstre cercle occitan lo Buòu, que nos a quitats dimenge matin, annadit de 90 ans.
Jaumet èra una personalitat flamejanta, rica de multiples talents e militant de la primièra ora sus Larzac.
A creat nòstra associacion i a mai de trenta ans e s'es engatjat per la lenga e la cultura occitana dins totes sos domenis.
Jaumet, siaguères l'anma del cercle occitan e enrebalères dins ton eissèrva nombre de nòstres camaradas quitament non occitanistas. Animères los corses de lenga d'òc e la Corala, onte ta votz, reconeissabla entre totas, senhorejava.
Aviás tanben una pluma mirgalhada : escriguères mantun obratge per la joinessa, que talament t’agradava. Ton darrièr libre, « Lo mas de la sèrps » es per paréisser. Cap de dobte que los calandrons de l'escòla que pòrta ton nom cabussaràn amb jòia en son dintre.
Èras prigondament estacat a ton mas, en plen mitan de ta vinha, enrodat de cats salvatges que noirissiás, e de colòbras.
I anavas a poncha de clar per tastar de moments de serenitat, tot en trabalhant ta vinha.
Amb Carmèn, formavas un coble indissociable. Als talhièrs de cosina occitana, amb Carmèn als fornèls, partagèrem repaisses memorables, ponctuats de cants e de galejadas –sens oblidar lo benedicite occitan famós, adobat a ta sauça.
Ton umor, ton vam, ta gaujor e ton amistat acompanhèron totes los qu'aguèron l'astre de te conéisser. Daissavas pas degun indiferent.
Adieu JAUMET. Demoraràs totjorn dins nòstres còrs.
Monica Demichel - Presidenta dau Buòu
Una galejada a la Jaumet
Li auriá pas agradat de nos faire plorar.
MERCÉS JAUMET
Adieu JAUMET
Un dernier mot en hommage au fondateur de notre cercle occitan lo Buòu, qui nous a quittés dimanche matin, à l’âge de 90 ans.
Jaumet était une personnalité flamboyante, riche de multiples talents et militant de la première heure sur le Larzac.
Il a créé notre association il y a près de trente ans et s’est engagé pour la langue et la culture occitane dans tous les domaines.
Jaumet, tu as été l’âme du cercle occitan et tu as entraîné avec toi nombre de nos camarades même non occitanistes. Tu as animé les cours de langue d’Oc et la Chorale, où ta voix, reconnaissable entre toutes, dominait.
Tu avais aussi une sacrée plume : tu as écrit plusieurs ouvrages pour la jeunesse, dont tu aimais tant la compagnie. Ton dernier livre, « lo mas de la serpa » sera bientôt édité. Nul doute que les calandrons de l’école qui porte ton nom suivront avec passion ses péripéties.
Tu étais profondément attaché à ton mas, au milieu de ta vigne, entouré de chats sauvages que tu nourrissais, et de couleuvres.
Tu t’y rendais de bon matin pour goûter des moments de sérénité, tout en travaillant ta vigne.
Avec Carmen, tu formais un couple indissociable. Aux ateliers de cuisine occitane, avec Carmen aux fourneaux, nous avons partagé des repas mémorables, ponctués de chants et de galéjades –sans oublier le célèbre bénédicité occitan, arrangé à ta façon.
Ton humour, ta fougue, ta gaieté et ton amitié ont accompagné tous ceux qui ont eu la chance de te connaître. Tu ne laissais personne indifférent.
Adieu JAUMET. Tu resteras toujours dans nos cœurs.
