« Quand la padena sentís, vesèm nasejar  valentas e valents… »

La Catí de Besièrs vos prepausa uòi tot plen de questionetas sus la cosina occitana. Gromands, galavards, lepetas e lepets, es l’ora de faire caufar las vòstras tripas dau cap…

1/ Dins la cosina occitana trapam mai que mai:

• de salat
• de sucrat
• de tot

2/  Las meravilhas de Bordèu son:

• un dessèrt
• de begudas
• de tòstas

3/ L’aiga bolida sauva:

• la polida
• la botiga
• la vida

4/ La Blanqueta de Limós es:

• de carn en salça
• de vin petonejaire
• de blanc d’uòu batut

5/ « Faire chabròt » significa:

• gardar una cabra
• fregir de peis
• voidar de vin roge dins la sopa

6/ Disèm « estofador » per:

• una còca pesuga
• un ragost de legums
• una cobèrta de caçairòla

7/ Dins una « garbura » i a pas de:

• mongetas
• de caulet
• de mendilhs

8/ Las « Gimbletas » d’Albi son:

• de pan
• de pastissons
• de bonbons

9/ Lo « melsat » se presenta coma:

• de bodin blanc
• un pòt de mèl
• de cambajon

10/L’alhòli se compausa:

• mostarda e d’òli
• d’alh e d’òli
• d’uòus e d’òli

11/La « piperada » se cosina amb:

• de pebrons
• de pòrres
• de peras

12/ Lo « peralh » es:

• un aubre fruchièr
• un condiment
• un formatge

13/ La « doceta » es:

• una còca a l’anís
• una beguda
• una ensaladeta

14/La « socca » es una galeta a basa de:

• farina de blat
• farina de milh
• farina de césers

15/Podèm cocinejar amb un pairòl:

• sul fuòc
• jos la taula
• dins l’aiguièr

Responsas lo còp venent, aquela o aquel qu’aurà totas las bonas responsas aurà drech de faire Dieu de son ventre.