Problematica dels pichons noms - 4

Dins los pichons noms mai espandit, se trapa lo de Joan. Alara, quand un Joan arriba, òm es en dreit de se demandar «Mas qual pòt èsser lo Joan qu’arribi?»: Joan-barrutla, Joan-Batista, Joan-Batiston, Joan-Caga-blanc, Joan-Caça, Joan-Cèrca-la-paur, Joan-Coconhièr, Joan-de-l’Ors, Joan-Conolhada, Joan-Colhonada, Joan-d’Auriòl, Joan-d’Auvèrnhe, Joan-l’Amètla, Joan-de-la-Vaca, Joan-de-Léser, Joan-de-Milan, Joan-de-Nivèla, Joan-de-Riseta, Joan-de-la-Barbaraunha, Joan-d’Olanda, Joan-fai-tot, Joan-Farina, Joan-Femna, Joan-Janibús, Joan-Filha, Joan-de-las-Gigas, Joan-Flaüta, Joan-Pifre, Joan-Fotre, Joan-l’An-Pres, Joan-lo-Cuol, Joan-lo-Verd, Joan-Mal-M’agrada, Joan-que-Sap-tot, Joan-Recuola, Joan-Salça, Joan-sens-Biais, Joan-Topin, Joan-Trespassa, Joan-Tres-Passas, Joan-Trona,…

E clavarem amb aquesta formula guerrièra: Joan sauta-fuòc, l’assucarem d’un còp de bròc! 

E la Joaneton pren sa faucilha! 

Determinismes pichon-nominals (seguida)

• Adam: L’Adam es naut coma tres pomas.

• Adonís: Adolescent, l’Adonís anèt a Niça.

• Aimat: Val mai èsser l’Aimat que l’ainat.

• Aimeric: L’Aimeric aima los sòuses.

• Alari: L’Alari cèrca campairòls sus Alaric.

• Alfons: E l’Alfons, molinas que molinaràs!

• Amador: L’Amador te fotriá lo fuòc pertot!

• Amòri: Amòri e tot es dit.

• Anastasi: L’Anastasi a pas besonh d’anestesia per s’endormir.

• Anatòli: L’Anatòli prepara son viatge per Turquia.

• Anicet: L’Anicet presa l’aniseta.

• Annibal: L’Annibal cèrca un estable per sos elefants.

• Arnaud: L’Arnaud arrèsta pas de comptar, de comptar e de recomptar.

• Auguste: L’Auguste se vestis d’un biais imperial per faire lo palhassa.

• Baltazar: A l’asard, Baltazar, anirem crompar quicòm al bazar.

• Basili: Lo Basili te met de baselic dins totas las salças.

• Baudoin: Lo Baudoin se crei rei de Bèlgica.

• Beneset: Lo Beneset, urosament que l’an benesit!

• Blasi: Lo Blasi es un pifraire de primièra.

• Crisostòme: Lo Crisostòme legís la Biblia verset per verset.

• Gaspard: Quand lo Gaspard se’n va, pas segur que torne.

• Guston: Lo Guston es un brave gus.

• Joaneton: Òu, Joaneton, vòls un trabalh a temps parcial?

• Matilda: Òu, la Matilda, te vaquí encara!

• Peireta: La Peireta faguèt quincanèla: adieu vedèl, vacada, coada e tesson!

• Serena: La Serena, mitat-femna/mitat-peis o mitat-peis/mitat-femna?

• Silvia, Silviana, Silveta: Pel ressopet de la Sant Silvèstre, convidarem Silvia, Silviana, e Silveta.

• Sòfia: La Sòfia va pescar sòfias.

• Susanna: Tant valenta, la Susanna que te fariá susar un ase!

• Suseta: La Suseta crompa chuquetas. 

• Suson: La Suson te pren unas bravas susadas.

• Tristana: La Tristana es tota tristoneta.

• Ugueta: L’Ugueta corrís jos sa capeta.

• Ursula: L’Ursula es caparruda coma una mula.

• Valeriana: La Valeriana es una brava tisana!

• Veronica: La Veronica es un pauc tròp ironica.

• Victorina: La Victorina, un nas de doas narinas!

• Zefirina: La Zefirina, las mans dins la farina! 

• Zoà: La Zoà amb son grand boà!

• Zoè: La Zoè, oè, oè!

Pichonum Roch