Un conte anonim que nos ven dau mond arab amb una revirada occitana dau Miquèl Pedussaud.

–        Sols, los grands òmes, los grands profètas, aguèron aquel poder de realizar de miracles, – disiá lo prèire a la molonada recampada en la plaça màger de la vila.

–        Podián reviscolar los mòrts ? – demandèt Guston.

–        Òc, – respondèt lo capelan. – Lo Libre o descriu mantun còp.

–        Alara, – diguèt Guston, – soi prèste a mostrar que totòm pòt realizar miracles semblables.

–        Vòls dire que tu tanben poiriás reviscolar los mòrts ? – faguèt lo prèire d’una votz tremolaira.

–        Balha-me una espasa e o te fa veire,-  tornèt Guston.

–        Portèron una espasa e la molonada estirèt lo còl per veire lo miracle.

–        Que vòls far ? – demandèt lo rector a Guston que puntava l’otís cap a el.

–        Te vau copar lo còl, aquò nos farà una pichona pauseta, puèi te lo tornarai e te sentiràs tot nòu.

–        Es pas brica la pena, – tornèt empepinat lo prèire, – te voliái simplament esprovar. O sabi plan que pòdes realizar miracles.

 

Per èsser complet aquí la sorga : contes cortets anonimes tradicionals revirats de l’espanhòl, tirats d’aquel site : https://ciudadseva.com/biblioteca/indice-alfabetico-minicuentos/

Milagro [Minicuento – Texto completo.] Anónimo: Mundo árabe