Sosténer Carrièras Occitanas amb la canhòta, cada don compta :

Per venir valent·a, escriure a

valentascarrieras@proton.me

Amassa fasèm las Carrièras Occitanas

Campanha de dons per la seconda edicion de Carrièras Occitanas

a Montsegur (09) los 17 e 18 d'octobre de 2026.

Fagam lo puèg viu !

Ajudatz l'organizacion d'aquera manifestacion occitana per una cultura populara.

 

Dètz annadas après las manifestacions d'Anem Oc, Carrièras Occitanas contunha d'afirmar l’occitan coma lenga viva, populara e de societat.

 

L'an passat a Vilafranca de Roergue fasquèrem las carrièras occitanas tot en portant l'ostal de Joan Petit. Fusquèrem nombroses a voler fer moviment. Alara, contunhem de balhar vam a un moviment que sosten l'idèa qu'avèm besonh de diversitat culturala tant coma de diversitat ecologica o umana.

Defendam una lenga per totes, que nos permeta de créisser amassa dins una societat dubèrta, conscienta de son environament coma de son istòria. Mes un pòble porta collectivament sa cultura, mes es capable de s'organizar, de crear, d'aculhir e de partejar.

Dins aquela dralha apelam a una manifestacion massiva a Montsegur les 17 e 18 d'octobre.

Que li digan castel catar o fortalesa reiala, Montsegur es d'en primièr un luòc de refugi que simboliza a l'ora d'ara la resisténcia de totas las minoritats contra l'empèri. Montsegur es tanben un simbòl istoric de la reivindicacion occitana de tornar prene, alavetz que l’actualitat bota le lum sul castèl sens dire un mot sus l’occitan, patrimòni immaterial de l’umanitat en dangièr bèl.

A l'encontre d'una museïficacion a fum de calhau, fascam de Montsegur un espaci viu e d'emancipacion. Le programa es de fargar amassa, ande musica, cantadas, estanquet, accions… e de paraulas desliuradas dins una “Radio Pòg Liure” efemèra.

SIAGAM NOMBROSES !