Espèri qu’avètz passat un bon ressopet e pres de bonas resolucions !

Vos desiri una bona annada, plena de bonaür e de santat !

Per començar perqué vos lançatz pas  dins la practica de l’occitan ?

Avètz paur de vos enganar, mal prononciar ? Cap de crenhença, i a pas de censor darrièr vos ! Solament de gents que vos ajudaràn !

Per parlar una lenga, cal èsser almens dos : lo que parla e lo qu’escota. Es un escambi entre lo que « mestreja » la lenga e lo que la vòl aprene que s’opèra . Aquò rai, s’aquel que parla mestreja o pas la lenga, tot parièr per aquel qu’escota. Mas l’escambi, las correccions, se devon far sens pensar a sancions talas coma foguèron viscudas al sègle vinten.

Alara lançatz-vos ! Bèl primièr simplament, escotatz de cançons per vos impregnar de la musica de la lenga sus las ràdios, sus de cd… Avètz tanben internet e sos nombroses sites occitans. Mas tanben las divèrsas associacions : cercles occitans de l’I.E.O., CIRDÒC, MARPÒC, cafès occitans,…Oblidatz pas tanpauc la premsa : Midi Libre amb la cronica occitana de Joan-Loís Blenet e « lo Mescladís » de Bobí, e de nombrosas autras coma « Lo diari » de l’I.E.O.

Sul sector de « còr d’Erau » de nombrosas associacions dispensan de corses setmanièrs.

Vos comuniqui una lista de mèdias, associacions, organismes que vos ajudaràn a traçar la vòstra rota !

Ensajatz, quin plaser de parlar Occitan !

A l còp que ven !

Qualques adreiças :

I.E.O. : erau@ieo-erau.com – Tel : 0665174085

Tèvéòc te.ve.oc30@gmail.com – www.teveoc.com

Òctele la tele 100 % Òc programa en dirècte cada jorn de 18h30 a 22h30 e en « replay »

CIRDÒC : 0467118510 secretariat@oc-cultura.eu 1 bis baloard duguesclin 34503 Besièrs

Felco : mjvb@wanadoo.fr 0467663331

Fòto Patrici Baccou