Las senténcias de Diogènes (3)

Mai furgam dins lo barral de Diogènes, mai trapam unas formulas que marcan sa coneissença fina de la societat de son temps, mas tanben un costat visionari de çò que devendriá la societat umana al punt de considerar unas de sas paraulas non pas vengudas del fin fons de l’Antiquitat mas marcada del sagèl de la contemporaneitat.

• Barbut: Lo barbut anava a l’estanquet gaitar las partidas de fòbal.

• Bastarròt: S’as pas d’atots, ganharàs pas la partida de taròt.

• Batèu: Montar sul Titanic e èsser neurastenic.

• Bulletin: Lo bulletin que tinda dins l’urna fa sorrire lo candidat.

• Cabra: La cabra braca se cabra sovent.

• Cagaròl: Manja pas pro un cagaròl per cagar un rol.

• Camarada: Se daissa jamai en rada un camarada.

• Carnivòr: Pel carnivòr, es puslèu carn aicí que carn aval.

• Caval: L’engèni del caval de Tròia s’amerita plan una copa de champanha.

• Cerfuèlh: A de qué pòt plan servir una fuèlha de cerfuèlh?

• Cervèla: Quand la cervèla met las vèlas, venes capbord.

• Chòt: La Luna es lo Solelh dels chòts.

• Companh: Amb un companh, se compartís mai que lo pan.

• Còrna: La longor de las còrnas non depend de la bontat del còr.

• Corredor: Tròp cort lo corredor per i poder córrer.

• Erbivòr: L’erbicidi es l’enemic de l’erbivòr.

• Espargues: Los espargues balhan fòrças als esparciatas. 

• Làmia: Las làmias refusèron de manjar lo Sèrgi Lamà quand se banhava.

• Legat: Lo papa causiguèt un gat coma legat.

• Lion: A Lion, lo lion se crei a l’ostal.

• Malaut: Èra malaut e dormissiá dins la cramba d’en-bas.

• Maraton: Lo francimand nomenèt son entrepresa de tons elevats en pesquièr: Marathon.

• Monin: Lo monin sens la monina pòt agantar la monina.

• Nivol: Lo cumulús emplena la nivol d’aiga de pluèja.

• Omnivòr: Pas besonh d’èsser omniscient per èsser omnivòr.

• Pairòl: Lo pairòl es lo paire dels espleches de la cosina.

• Parpalhòl: Lo parpalhòl cluca de las parpèlas.

• Parpalhòl: Lo parpalhòl se ten luènh del pairòl.

• Pastisson: Val mai pas èsser tissós per s’ameritar un pastisson.

• Paur: La paur demultiplica la corsa de tas cambas.

• Plombièr: Mèfi que lo plombièr vos plombe pas la serada.

• Plorar: Plorar farà pas venir la pluèja.

• Pòrc-marin: « Aquò vai?» demandava lo pòrc-marin.

• Preson: Aimable coma una pòrta de preson: depend del sens de passatge de la pòrta!

• Rectangle: Se viras un rectangle auràs pas un vèrsangle.

• Reganhut: Lo reganhut podiá pas sofrir lo contra-ut.

• Singlar: Lo pòrc-singlar es una bèstia singulara.

• Sòu: Es pas en ganhant quatre sòus que te cromparàs esclòps de cinc sòus de fusta, cinc sòus de batas, cinc sòus de fèrre,…

• Tarentèla: Se cal vestir de dentèlas per dançar la tarentèla.

• Tartuga: La tartuga arribèt en retard.

• Tisana: Coma la tisana: se te fa pas de ben, te farà pas de mal.

• Triangle: Cal pas daissar de costat los triangles equilaterals.

• Trigonometria: M’atriga de faire de trigonometria.

• Trufada: A la taula de la Granda Trufada, se ramosèron lo trufet, la trufeta, los trufaires e los trufarèls.

• Vaca: Èrba verda, vaca que ritz.

• Vaca: Vaca que ritz a pas un estable al Ritz.

• Veitura: Qual vei una turra ensaja de l’esvitar.

• Vigonha: Cal pas confondre una vigonha e una cigonha.

• Vira-solelh: Lo vira-solelh sap res de la linha dreita.

Filosofal Roch