Lo nòstre amic Alan Huguet a quitat volontariament la « dralha occitana e amistosa » del cèucle, aqueste dimars 6 de genièr aprèp avèr desirat per mel, una bona annada 2026 a las personas que presava, dins lo mitan occitanista mas pas sonque…

Ni la familha ni los amics pòdon comprene las rasons d’aquel abandon brutal.

Alan, plan conegut per son sorire franc èra dempuèi mai de 40 ans un afogat de la lenga e de la cultura nòstra e teniá una plaça bèla cada setmana a la taula de la MJC , dicò en man, tant coma pendent los viatges, las sortidas botanicas amb Josiana o las festivitats que s’organizavan sempre mercé son ajuda tecnica.

L’avètz totes rescontrat, de segur, que participèt a totas las AG de l’IEO, a de manifestacions diversas, als recampaments militants, bereta Òc sus sa clòscapelada.

La nòva cançon occitana e catalana amb Lluis LLach puèi la Sauze, Eric Fraj, Nadau nos an fach sortir mai d’un còp luènh de nòstre canton per viure de seradas memorablas que siague a Barcelona, a Pau e endacom mai.

Per totes aqueles moments festius e uroses, per una longa amistat partejada que s’escafarà pas,

Lo Cranc li rendrà omenatge al cementèri de Massilhan lo dimars 13 de genièr a 4 oras e mièja.

Ania.