L’UÒLH DEL BUÒU  

LA BILHETA DE L’IVONA DEL CERCLE OCCITAN DE MÈSA

Aqueste an, mai que jamai, la prima nos agrada per sa beutat, que sortissèm d’un ivèrn mornarós, rapòrt a çò que vivèm amb lo Coronavirus.

Mas abans de profechar complètament del bèl temps, nos cal traversar lo periòde dels Cavalièrs e dels Sants de glaça (aqueles vos son estats contats l’an passat dins aquesta cronica), sens comptar amb las Santas Marias de la fin del mes de mai.

Los Cavalièrs los mas conoguts sont Jorget (23 d’abril), Marquet (25 d’abril) e Crozet (3 de mai). Òm podriá i apondre Anicet, Tropet, Filipet… segon les territòris.

Lo periòde s’estala de mièg abril a la debuta de mai. Coma cal totjorn trapar un colpable, òm acusa la luna rossa, o encara un corrent freg vengut d’Atlantica nòrd.

Los Cavalièrs davalan, cavalgant un grand vent freg. Per malastre, n’avèm agut un abans-tast las doas nuòches passadas, e vaquí que vinhas e fruchièrs sont estats tugats per una terribla gelada. Per anticipar, los vinhairons avian pausat dins la regas de las vinhas de flambèls, e de còps de grands ventiladors per brassar la calor. Aquò a pas sufís.

Ja los vinhairons an mancat fòrças vendas, qu’en rason de la pandemia, cafès e restaurants demòran desesperadament barrats dempuèi de meses.

Per acabar, al punt ont ne sèm, çò qu’òm pòt desirar, es que los Cavalièrs se transformen pas en Cavalièrs de l’Apocalipsi !

Anem, de que fasèm quand tocam lo fons de la piscina ? Per rebombir, un bèl còp de ren, e fai tirar, ten-te Maria qu’anam trotar, que per aqueste an, la copa es plena, e pas sonque de vin !   

Ivona BEAUME.

Mèsa lo 7 de mai de 2021.

LES CAVALIERS

 Cette année, plus que jamais, le printemps nous réjouit par sa beauté, car nous sortons d’un hiver morose, à cause de ce que nous vivons avec le Coronavirus.

 Mais avant de profiter complètement du beau temps, il nous faut traverser la période des Cavaliers et des Saints de glace (ceux-ci vous ont été comptés l’an passé dans cette chronique), sans compter avec les Saintes Maries de la fin du mois de mai.

 Les Cavaliers les plus connus sont Saint-Georges (23 avril), Saint Marc (25 avril), et Sainte Croix (3 mai). On pourrait y ajoute Saint Anicet, Saint Eutrope, Saint Philippe…selon les territoires.

La période s’étale de la mi-avril au début du mois de mai. Comme il faut toujours trouver un coupable, on accuse la lune rousse, ou encore un courant froid venu d’Atlantique nord.

Les Cavaliers dévalent, chevauchant un grand vent froid. Par malchance, nous en avons eu un avant-goût les deux dernières nuits, et voici que vignes et vergers ont été tués par une terrible gelée. Pour anticiper, les vignerons avaient posé dans les rangées des vignes des flambeaux, et parfois de grands ventilateurs pour brasser la chaleur. Cela n’a pas suffi.

Déjà, les vignerons ont manqué beaucoup de ventes, car en raison de la pandémie, cafés et restaurants restent désespérément fermés.

Pour finir, au point où nous en sommes, tout ce que l’on peut souhaiter est que les Cavaliers ne se transforment pas en Cavaliers de l’Apocalypse !

Allons, que faisons-nous quand nous touchons le fond de la piscine ? Pour rebondir, un bon coup de rein, et en avant toute, car pour cette année, la coupe est pleine, et pas rien que de vin !

Yvonne BEAUME.

Mèze le 7 avril 2021.