L’amassada generala venenta de l’institut d’estudis occitans, aculhida per la seccion d’Avairon (IEO12), se debanarà a Rodés los 22 e 23 d’abril de 2023 dins la sala de conferéncia del Centre cultural (25 avenguda Victor-Hugo, 12 000 Rodés).

Totes los aderents de l’IEO son convidats a l’amassada generala, moment fòrt important dins la vida democratica de nòstra associacion. L’amassada generala es dubèrta a tots los aderents, personas fisicas e moralas (associacions aderentas) al jorn de lor cotisacion. Cada aderent a una votz e pòt, en mai, èsser mandatat per 10 autras personas. Lo bilanç de l’annada passada i serà presentat per votacion, e las activitats e accions per l’annada a venir i seràn discutidas e decididas. L’AG serà tanben aquesta annada lo moment de votar per un conselh d’administracion novèl, qu’es elegit totes los dos ans. Las candidaturas son dubèrtas e benvengudas…