OMENATGE  A  ROBÈRT  MARTÍ, nòstre PADENA

Lo Cranc de Massilhan organiza lo dissabte 15 d’abril una serada a l’entorn del libre Robèrt Martí l’òbra – vida qu’an fargat Josiana Daunís-Martí, sa femna, e Eric Fraj. An recampat una massa bèla de testimoniatges que lo nombre, la qualitat, la varietat ja mòstran l’importància de l’òme. Òm i tròba e mai d’un còp òm i desobris las fàcias multiplas del que coneissiam puslèu cobèrt de la blòda blava de Padena. Òm i apren sas activitats divèrsas, totjorn e de longa al mejan e al servici de la lenga nòstra, de la cultura e del biais occitans.

Seràn legits tròçes dels testimoniatges, dobertura als remembres, segur, mas  tanben a las descobèrtas, , e mai als questionaments e a la discutida, esmoguda segura e rires retrobats. Se farà en occitan ajudat pel francés per téner los francimandejaires un pauc perduts. Auràn eles lo plaser de descorir la cultura occitana del biais mai vivent e mai autentic.

Serà lo dissabte 15 d’abril a 3 oras dins la sala del Restaurant dels Ancians, Plaça del Mercat