L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA.
Ivona BEAUME, Mèsa, lo 28 de setembre de 2022.
L’asteroïde Dimorfós, lo plan nomenat, es un satellit d’un autre qu’es mas gròs qu’el, « Didinós ». Dimorfós mesura 160 mètres de diamètre e barrutla a 11 milions de quilomètres de la Tèrra nòstra.
Per de qué parlam d’el uèi ?
Fa un brave moment que los cercaires an dins la tèsta de trapar lo biais de far desviar de lor rota d’asteroïdes que nos cercarián bregas, de paur qu’un capitèsse a s’espotir sus la Tèrra.
Cal dire que, coma se cal rementar del vase de « Soissons », se cal rementar qu’un asteroïde de 10 km d’envergadura truquèt la Tèrra, fa 65 milions d’annadas, es verai. Òm nos ditz qu’aquò ocasionèt la despareguda dels dinosaures, e tanplan val melhor que nos siaguèssem pas crosats …auriam pas fach lo pes, qu’èran pas totes « vegetarians » !
Cò qu’arribèt un còp se pòt totjorn reprodusir. Pel moment, òm se crei a l’abric per un sègle, mas aquò es pas segur. Donc seriá ben de trapar la parada.
Se 30 000 « géocroiseurs », coma se nomman en bon francés los asteroïdes, sont estats repertoriats dins los environs de nòstra planeta, òm estima qu’aquò ne’n representa sonque 40 %.
De tot biais, es pas desrasonable de se mainar d’aquela situacion. D’aquí l’operacion de la NASA : embarcant una sonda, un vaissèl espacial quitèt lo cèl de California fa 10 meses, coma previst a la velocitat de 20 000 km/ora a quicòm pròche.
La sonda « Dart » (flechon en anglés), s’anèt espetar sus Dimofós dins la nuèit del 26 al 27 de setembre de 2022, al jorn e a l’ora dichas : 1 ora, 44 minutas e 57 segondas (dins las 23 oras GMT), deslargan una enorma nívol de posca al moment de l’impacte. Cal reconéisser qu’es remirable !
Dins qualques setmanas, sauprem se aquel nívol es estat pro important per far bolegar l’asteroïde e per l’alunhar un pauqueton de son orbita. Seriá aquò la capitada de l’operacion. Benlèu aurem tanben qualques fòtos suplementàrias, qu’un engenh es estat ejectat d’el vaissèl espacial per aquò far abans lo tust de Dart amb Dimorfós. Tot aquò es de seguir de près.
Après aver plan poluït la planeta, òm se pòt regaudir que de mond plan intencionats pensan a aparar nòstras progenituras amai luenchencas, de catastròfas que podrián èstre de l’amplor d’aquela qu’ocasionèt la fin dels dinosaures. Èra temps de se desrevelhar, e podèm aplaudir sens resèrva aquel expleit.
Après tot se aquò nos pòt ajudar a demorar optimistas dins aquel monde de brutasses…
L’astéroïde Dimorphos, le bien nommé, est un satellite d’un autre qui est plus gros que lui, Didynos. Dimorphos mesure 160 mètres de diamètres, et se promène à 11 millions de kilomètres de notre Terre.
Pourquoi en parlons-nous aujourd’hui ?
Cela fait un bon moment que les chercheurs ont dans la tête de trouver le moyen de faire dévier de leur route des astéroïdes qui nous chercheraient querelle, de crainte que l’un d’eux réussisse à s’écraser sur la Terre.
Il faut dire que comme on doit se rappeler du vase de Soisson, on doit se rappeler qu’un astéroïde de 10 km d’envergure a tamponné la Terre, cela fait 65 millions d’années, c’est vrai. On nous dit que cela a occasionné la disparition des dinosaures, et peut-être vaut-il mieux que l’on ne se soit pas croisés…nous n’aurions pas fait le poids, car ils n’étaient pas tous végétariens !
Ce qui est arrivé une fois peut toujours se reproduire. Pour le moment on se croit à l’abri pour un siècle, mais cela n’est pas sûr. Donc ce serait bien de trouver la parade.
Si 30 000 géocroiseurs, comme l’on nomme en bon français les astéroïdes, ont été répertoriés dans les environs de notre planète, on estime que cela n’en représente que 40 %.
De toute manière, il n’est pas déraisonnable de se préoccuper de cette situation. D’où l’opération de la NASA : embarquant une sonde, un vaisseau spatial a quitté le ciel de Californie il y a 10 mois, comme prévu à la vitesse de 20 000 km/heure à quelque chose près.
La sonde Dart (flêchette en anglais), est allée s’écraser sur Diphormos dans la nuit du 26 au 27 septembre 2022, au jour et à l’heure dites : 1 heure, 44 minutes et 57 secondes (dans les 23 heures GMT), dégageant un énorme nuage de poussière au moment de l’impact. Il faut reconnaître que c’est admirable.
Dans quelques semaines, nous saurons si ce nuage a été assez important pour faire bouger l’astéroïde et pour l’éloigner un petit peu de son orbite. Ce serait cela la réussite de l’opération. Peut-être aurons-nous même quelques photos supplémentaires, car un engin a été éjecté du vaisseau spatial à cet effet avant le choc de Dart avec Dimorphos. Tout cela est à suivre de près.
Après avoir bien pollué la planète, on peut se réjouir que des gens bien intentionnés pensent à préserver nos progénitures même lointaines, de catastrophes qui pourraient être de l’ampleur de celle qui a occasionné la fin des dinosaures. Il était temps de se réveiller, et nous pouvons applaudir sans réserve cet exploit.
Après tout si cela peut nous aider à rester optimistes dans ce monde de brutes…
0 commentaires