LA GRANHÒTA SUS L’ESCALA

Lo saber popular, rapòrt al temps que fa e que farà, es d’una granda espandida e permet d’estimar un fum de situacions. Pòt quitament ajudar a faire prediccions d’una precision que despassa lo saber dels meteorològues patentats que pòdon patir de la patanteina!

Dires meteorologics inedits

• Quand plòu sus Alaric, bota-te a l’abric

• Al temps de chavana, las vacas pèrdon las banas.

• Quand plòu sul banhat, cagaròts a plens ferrats.

• Gat banhat crenta l’aiga freja.

• Plic-plòc! Plic-plòc!: aquò’s la cançon de la pluèja.

• Ne fagues pas tot un cinèma de cantar jos la pluèja.

• Los peisses se trufan de la pluèja.

• Quand lo tron peta es pas ora de jogar de la trompeta.

• Pluèja al bèc, paraulas de quèc.

• Quand plòu lo diluns, pren lo bus.

• Quand plòu lo dijòus, crompa tres uòus.

• Nivol que nivoleja, plòura deman matin.

• Quand las agaças bevon lo solelh, los taissons s’entutan.

• Pluèja que tomba fina: a l’albèrga, acabarem la cantina.

• Pluèja que tomba a ferratats a pas d’ansa.

• Pluèja de Totsants plora los mòrts.

• La pluèja fa lo fangàs e las romegadas.

• Setmana bèla e dimenge: pluèja ! 

• Bonas pluèjas fan bonas recòltas.

• Ostal en riba de riu se deu pas estonar de l’aigat. 

• Arcolan d’abril e peis d’abril. 

• L’arcolan d’Arquetas es mirgalhat. 

• Nèu de genièr acaba al fenièr.

• Borrilhs de febrièr e confètis de Carnaval.

• Nèu tot l’an al Nevada.

• Quand lo cocut canta, lo banut plora.

• Ametlièr en flors en febrièr ten pas totjorn sas promessas d’amètlas.

• Per Sant-Joan, èrbas e solstici fan nuèit estelada per sautar lo fuòc.

• Lo solelh es lo fuòc d’artifici permanent de julh.

• Lo solelh d’agost es chuca-most.

• Lo solelh d’agost fa bon lo vin.

• Lo solelh d’agost crenta la calor.

• Per l’estiu de la Sant-Martin, clava ton ase al pargue.

• Nèu en decembre, Nadal a Font-Romèu.

• La nevada de decembre passa pas lo cap d’an.

• Fèbre en febrièr, freg en abril.

• En febrièr, lo vent es jamai matinièr.

• Èrsas qu’ersejan e març que marceja.

• Lo gelibre arrèsta pas la pluma del felibre.

• Temps de torrada, temps de torron.

• La cisampa atuda las lampas.

• Luènh lo cap del cèl: lo temps serà al bèl. 

• Solelh escosent fa la pèl bruna.

• Cèl grisonet pòrta lo tristum del monde.

• Lo cèl blau pòrta las claus de la vida. 

• Lo vent fa virar lo cap a la giroleta.

• La ventòrla sap pas lo camin de l’escòla.

• Lo grèc es un vent antic e mitologic.

• Eissiròc e castèls de sabla. 

• La virada del cèrç te farà marchar dreit.

• Lo temps que fa es lo camin del temps que passa.

• L’an dit a la meteo… mas lo temps ne fa qu’a son sicap!

Granhòt Roch