ADISSIATZ !
|
Vos fasèm un darrièr còp una rampelada generala per diluns que ven. Sabètz ? La jornada d’escambis e de reflexions qu’organizam. Vos podètz encara marcar, e vos conselham d’o far, qu’aquò nos permet d’anticipar melhor.
|
|
Nòta : aqueste mail es mandat a las associacions sens tria, se vos sètz ja marcat-da o s’avètz dit que podiatz pas venir, es plan pres en compte, pas besonh d’o tornar dire !
|
Diluns 18 de novembre de 2024
a l’Ostal d’Occitania – Tolosa
|
PROGRAMA
|
9h30-10h : Acuèlh dels participants e cafè
|
|
10h-12h30 : Discutida entre l’IEO e la Region Occitania
|
| Vos o aprenèm pas, lo contèxte economic es pas flame. Vos prepausam de parlar amassa d’aquesta situacion, de compréner d’ont ven e cossí capitar de ne sortir, amb de pistas d’autofinançament e de reflexions mai globalas sus la politica regionala tocant las associacions occitanas. |
|
Per aquesta discutida comptarem amb de monde de la region (elegit, tecnicians), serà l’escasença de parlar en tot onestetat de cossí es viscuda aquesta annada 2024 dins un contèxte tendut, de cossí podèm trabalhar, avançar amassa e enfaciar l’avenidor.
|
|
12h30-14h : Repais en comun tirat de la saca
|
|
14h-15h : Escambis interassociatius
|
|
Aprèp la pauseta, farem un torn de taula dels associatius en preséncia per far remontar las problematicas de cadun sul terren e ensajar de veire cossí la seccion regionala o las autras personas presentas pòdon ajudar. S’agís de far remontar las dificultats, de formular de sollicitacions e d’anticipar amassa 2025 e la seguida.
|
|
15h-16h30 : Presentacion e demostracion d’OpenAgenda
|
| OpenAgenda es una aisina d’agenda participativa e collaborativa en linha, obèrta, qu’investissèm dempuèi qualques meses amb de partenaris. Es un espleit eficaç per far conéisser sos eveniments e sa programacion culturala e avèm l’ambicion de desplegar largament sa version occitana dins la ret IEO en çò de las estructuras occitanas. Vos presentarem lo projècte, farem lo torn de las foncionalitats e vos mostrarem cossí vos en servir. Los que vòlon pòdon portar ordinators portables o esmartfònes, aital serà un vertadièr talhièr ! |
|
0 commentaires