Venèm d’apréner lo decès de Cristian Dur que participèt a l’animacion de l’activitat occitana pendent longtemps dins lo Lodevés.

Cristian quand dintrava au cafè, èra pas per crompar lo fons de comèrci:

« Patron, un aramon! » Puòi, fasiá a son veire: « Pichòt, plaça-te ben que seràs quichat! »

Capitava de ligar l’èime popular amb un sabentitge espantant. D’una granda cultura e generala e sus las lengas, es l’autor d’un fais d’articles en occitan e animèt una emission a Ràdio-Lodeva. Es co-autor del libre (a paréisser) sus Prosper Gelis.

Las obséquias se tendràn lo divendres 16/01/2026 a 14h30 al cementèri del Cailar.