Socializar l’occitan delà l’escòla | Calandreta Dalfinets

Dins los dotze ans de vida de Jornalet avèm remarcat que l’occitan a totjorn una plaça dins lo Mond, e que lo Mond vist, comprés e explicat a la faiçon occitana, es legit cada jorn per mai d’un milièr de personas, que quitament daissan de comentaris e crèan de debats mai o mens interessants. La còla de Jornalet sèm contents d’ajudar modèstament a portar de vam a la lenga. Totun, es evident que franc d’Aran e las Valadas, l’usatge social de l’occitan es practicament inexistent per carrièras. Mas, coma o avèm ja dich en d’autras escasenças, nos volèm pas brica resignar. Cresèm qu’es important de trabalhar per desvelhar la consciéncia d’occitanitat, e es d’aitan mai important de transmetre la lenga. Dins aquel sens, l’escòla en occitan —o almens l’occitan a l’escòla— es un afar prioritari, e cal que los escolans tròben d’espacis de vida en occitan dins la vida vidanta.

Las escòlas Calandreta refusan a cada rintrada qualques centenats d’escolans, car i a plan mai d’inscriches que de plaças disponiblas. Cresèm que se deu passar aitant dins l’educacion publica. Aquò es una marrida nòva, mas es tanplan un indicador que la consciéncia d’occitanitat es pas mòrta e que la lenga occitana es presada quitament per aqueles que non la parlan pus.

La còla de Jornalet volèm far quicòm mai qu’un modèst esplech jornalistic informatiu en occitan mas donam una plaça a totes los vejaires possibles e dobrissèm totjorn nòstras paginas a la participacion de totes per ne far una aisina utila e pròcha. Volèm que se n’apròprien totes los agents que participan a la vida sociala, politica, educativa, esportiva e culturala del país.

Una de las seccions que nos agrada mai es la de l’escòla. Aquí, d’ensenhaires e d’escolans de calandretas o d’escòlas bilingüas an una seccion per somunicar. Sovent los quites escolans explican de faches que fan l’actualitat de lors escòlas: un eveniment cultural, la vesita d’una personalitat, una fèsta populara amb los parents, una competicion esportiva, etc. E mandan quitament d’enregistraments, d’imatges, de vidèos…

Sèm plan contents d’aquela seccion, e volèm encoratjar mai encara los ensenhaires e los escolans de se servir de las paginas de Jornalet. Pensam que pòt èsser un bon luòc d’encontre per la comunautat educativa occitana, una iniciativa interessanta pels escolans e una aisina de socializacion lingüistica per las familhas dels escolans.

A vòstras plumas, escolans!

0 commentaires

Soumettre un commentaire

Votre adresse e-mail ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.

0 commentaires

Soumettre un commentaire

Votre adresse e-mail ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.

0 commentaires

Soumettre un commentaire

Votre adresse e-mail ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.