Sèm de mai en mai nombroses : 8 miliards sus Tèrra !

 1 miliard en 1800 , 2 miliards en 1900. E quant de mòrts al sègle vinten ? Perqué las guèrras an pas cessat : Ideologias, religions,… vaquí qualques uns dels arguments utilizats per justificar los conflictes.

Un mond sens guèrra, sens misèria serà possible deman ?

 O desiri fòrça ! mas los clinhotadors son de mai en mai fòrts: l’irange va lèu passar al roge !

Los cambiaments climatics nos cridan. Totes los païses son pas al diapason!

 Qué far ? L’obrador es colossal. Las concentracions de populacion dins las megalopòlis e autras vilas gigantas cèssan pas d’augmentar. Nòstre mond es malaut, fòrça malaut.

 Cèrtas, i a lo progrès de la Sciéncia dins de domenis coma la santat, los mejans de comunicacions, las tecnicas de poncha, l’informatica.…

Mas que cercam sus Tèrra ? Perqué tant d’òdi o d’indiferéncia, las doas de còps confondudas ?

 Çò que pensàvem ièr es remés en question per las realitats quotidianas : rescalfament climatic, gaspilhatge, iper consomacion de las ressorsas de nòstra cara « planeta blava » ! o puslèu planeta cobèrta de milièrs, quitament de milions de blaus !

Anam cap a la despareguda de l’òme ? La fam serà probable lo factor determinant.

La fam qu’engendra faminas, epidemias e guèrras, guèrras benlèu nuclearas !

« De qué serà fach deman? La bastirem la vila de l’òme. Lo « temps novèl » comença, cars amics ! » Çò que disiá Jaurés, faiçon Bodon. E coma lo « devinhaire », ieu tanben lo vesi pas clar lo temps novèl !

Zo al còp que ven !

Bona setmana e portatz vos plan!

Podètz escotar  «Lo Mescladís» de Bobí sus Ràdio Lengadòc e Radio Lodève.

Bonjorn amics ,
Dempuèi setembre ai començat la novena annada de « Qu’ès aquò? » emission del Cercle per Ràdio Lodève. Es amb plaser qu’o fau e l’acuèlh es totjorn calorós e agradiu.
S’avètz d’idèas d’emissions, d’informacions a far passar, las me podètz comunicar o se volètz venir enregistrar (es lo dimars matin a partir de 10h) es possible ! Vos rapèli los oraris de « Qu’ès aquò? » :
diluns : 12h40-13h e 19h10-19h30, redifusion lo dimenge a 9h.
Enregistri tanben « Lo mescladís » per ràdio Lengadòc e ràdio Lodève (passatge en setmana).
Vau cada mes a Besièrs al CIRDÒC prene de documents escriches e sonòrs que me servisson per l’emission ,mas tanben per mas autras activitats : « Lo mescladís » de MIDI LIBRE, la preparacion dels espectacles (mainatges e adults) …
Fòrça espectacles e talhièrs en aquela fin d’annada per Bobí (associacion « Tiratap »!)
6 de novembre a Launac (31) : 1/espectacle mainatges « A tu pichòt! » + talhièr « fusta » objèctes fabricats a decorar + passejada e danças ! Plan crebat mas una polida capitada !
2/ 19 de novembre a Montpelhièr, passejada del Peyrou : espectacles per las calandretas dau clapas (de mairala al collègi).
3/ 3/4 de decembre : talhièrs fustas e contes per mainatges mercat de Nadal de St Esteve de Gorgas (4 talhièrs de 1 ora).
4/ 10 de decembre :Espectacle per mainatges : « A tu pichòt! » Fogat rural , Lo Puèch
5/ En 2023 : Espectacle per adults (Lo Caylar data a venir)
6/ De febrièr a junh ( un còp per mes) intervencion a la grépia  » los mainatjons » (ADMR- Bessan) per sensibilizacion a l’occitan (mainatges de 2 a 3 ans).
A lèu
Amistats
Bobí (Robert PASTOR)