IEO-edicions

soscripcion a la plega de Nadal 2023

La collection A Tots, dedicada a la pròsa occitana contemporanèia, festeja ujan sos 50 ans d’existéncia. Aprep una prumiera « plega » pareguda queste estiu, l’IEO-Edicions presenta per Nadau una segonda plega 2023, un ensemble de 4 libres noveus en soscripcion. La soscripcion es un biais de finançar l’edicion occitana ; quo es tanben una faiçon agradiva, en comprar l’ensemble daus 4 libres a un pretz redusit, de partir a la descuberta daus autors, de lor univèrs, mai de la varietat e de la richessa de la lenga occitana.

Lo pretz de la soscripcion per los 4 libres es de 49 € (au luòc de 63 €), frais de mandadís inclús. Es duberta jusqu’au 25 de decembre.

(soscripcion en linha a IDECO (https://ideco-dif.com/) o emb lo bulletin de soscripcion junt)

Joan Ganhaire. Enquestas a la lesta

« Mai quò ‘nava, mai lo comissari Darnaudguilhem sentiá que quela scena de crime era pas coma las autras. A la debuta, quo era estat d’una granda banalitat. Una vielha femna matrassada dins son apartament de la vielha vila, segurament per quauque arcandier vengut li raubar sas economias. Pas bien de misteri quí-dedins. » Dietz novelas per dietz enquestas a la lesta dau famós comissari Alexandre Darnauguilhem, de Maraval, de Nauta Dordonha.

Joan Ganhaire, nascut en 1941, es un escrivan perigòrd qu’escriu sas òbras en lemosin. Après aver seguit sos estudis segondaris a Periguers, estudiet la medecina a Bordeu per s’installar coma metge en Perigòrd ente naisset sa vocacion d’escrivan occitan.

A Tots Crimis n°237 (novèlas). 160 p.

Miquèu Arnaud. La Nassa

Per Febrier de 1474, lo rei de França deu tenir targa au còp a l’Anglés e au Borguinhon. Mau que mau contèn leis enemics mai quasi tota l’armada es sus lo pè de guèrra e son marge de manòbra es estrech. Pasmens, Loís XI tèsta aquí vòu espandir sa tela. Provença, terraire fòrça ric, dubertura segura sus la Mediterranèa es una pèça màger de l’espandiment. Mai sei projèctes son contrariats, que lo rei Reinier decidisse de lo deseiretar. Abramat, arrogant, plen de cròia, es pas possible per eu de pèrdre la fàcia. Adonc, ordisse un plan per esbrandar lo còmte de Provença e ansin s’apoderar dau comtat.

Miquèu Arnaud es nascut a Marselha en 1952. S’installèt dins un vilatge pròche Marselha dins un temps qu’una bèla part deis abitants parlavan la lenga dau brèç. Es en familha que se perfeccionèt dins lo parlar provençau maritim. L’enveja de partejar l’occitan e de gardar viu son usatge lo menèron a escriure. A Tots n°238 (roman). 324 p.

Joan Glaudi Puech. Vint jorns au bot de l’Antropocèn.

« Per la terapia me demandèt de faire un esfòrç e d’adoptar, un temps solament, lo manifèst de Thoreau dins “Walden”. Me diguèt qu’aqueu libre èra estat una revelacion per fòrça femnas e òmes dau sègle XX, l’esvelh a un rapòrt diferent au Monde. Anar viure per bòscs, acantonar la vida, la trocejar d’aise d’aise en morselons per ne saborar tota sa substància fins a tocar au sublim, perqué pas ? E puei ont anar? Que faire ? Ai signat. »

Joan Glaudi Puech nasquèt dins la Castanhau Cantalèsa e demorèt trenta cinc ans de temps en Provènça. Vint jorns au bot de l’Antropocèn es son primièr roman publicat dins la colleccion A Tots. Es tanben l’autor de Una pèira e un tamborin, Lei filhas de Sion, Flors paganas e En bosca de Pan.

A Tots n°239 (roman). 136 p.

Joan-Claudi Sèrras. Bóstias.

Aqueste obratge, majoritariament escrit en 2021, prepausa una garba de tèxtes sus una tematica qu’es lo camp lexical de las bóstias. Se tracha pas d’un recampament a posteriori d’òbras qu’òm se maina de lor punt comun mas d’una experiéncia d’escritura a constrencha prealabla sens cap de limita de las variacions possiblas. Balha de tèxtes de tota mena, de tota dimension, de tota tonalitat, de l’umorisme a la tragedia, de la poësia al fantastic. Dins la darrièra istòria, Lo Sòmi d’Ipocrates, la situacion contemporanèa evocada, la del Covid, ven premonitòria e lèu – qual sap ? – la ficcion poiriá èsser confortada o trespassada per l’anar del mond.

Joan-Claudi Sèrras, nascut dins Tarn en 1944, foguèt professor de francés e d’occitan. A publicat a las edicions de l’IEO de recuèlhs de novèlas, un roman (Enlòc), d’obratges de lexicologia, e una tièra de libròts de pensadas mai o mens umoristicas jol chafre de Rascal. A Tots n°240 (novèlas). 344 p.

souscrire en ligne sur le site d’IDECO

https://ideco-dif.com/ieo_edicions/a_tots/plega_de_nadal_2023_atots/index.html

Bon de souscription « A TOTS » Nadal 2023 (offre réservée aux particuliers)

Prix unitaire (envoi inclus) : Quantité Total

49 € X ………..… =………………………. €

Nom :……………..…………………..……..…..…..……..… Prénom : ……………………………………………………

Adresse : …………………………………………………………………………………………………………………………………

Code postal : Ville : ………………………………………….……………………………………………

tél. courriel ……………………………………@….……………………………

À joindre à votre règlement par chèque à l’ordre de IEO-IDECO et à envoyer à :

IEO Edicions (IEO IDECO)

1 rue des anciens combattants, ZA de la plaine Saint-Martin, 81700 Puylaurens.