En seguida l’AG que se debanèt a Nimes en 2024, aquelas tarifas son las seguentas:

* Adesion individula normala 30,00€

* Adesion individuala redusida 12,00€ (se pagatz pas d’impòst sus lo revengut)

* Adesion coble 40,00€

* Adesion coble redusida 16,00€ (se pagatz pas d’impòst sus lo revengut)

* Adesion Associacion (persona morala) 50,00€

La reparticion dels escotissons se fa puòi au dintre de l’IEO, a la gròssa 50% per l’IEO federal, 1,50€ per cotizacion per l’IEO Regional e lo demai a la seccion departamentala.

Los sòcis seràn convidats a las amassadas generalas de cada nivèl de l’associacion e recebràn la revista federala Anem Occitans ! que pareis quand pòt e de temps en quora lo bulletin numeric d’informacion de l’IEO federal: Endacòm mai !

E tanben la letra numerica setmanièira de l’IEO 34, E… RAU !!

L’adesion a l’IEO : coma far?
L’adesion a l’IEO se pren coma de costuma al prèp de sa seccion. Es la seccion d’adesion que reçaup lo pagament de la cotisa e las coordonadas de cada aderent, al minimum lo nom e l’adreiça postala, e s’aquò es possible l’adreiça electronica, necessària a l’aderent per poder verificar sas coordonadas enregistradas, e per recebre las informacions mandadas per l’IEO.

Galeta?
Un mot sus Galeta. Per se metre en conformitat amb lo RGPD, reglament general de proteccion de las donadas qu’impausa lo drech de cada persona de controtlar sas donadas personalas e dispausar d’un sistèma de qualitat per la securitat de las donadas, l’IEO a decidit d’utilizar l’aplicacion “Galette” per constituir lo fichièr de referéncia dels aderents a l’IEO.

Es una aplicacion desvolopada de faiçon dobèrta e participativa per d’associatius a destinacion del monde associatiu per facilitar la gestion de las adesions.

L’utilizacion de “Galette” càmbia pas lo biais de préner son adesion, que se fa totjorn al prèp de sa seccion. Permet d’un costat de constituir lo fichièr dels aderents de faiçon precisa e securizada, e actualizat en temps real. Ben-segur, l’IEO s’engatja a utilizar aquelas donadas sonque per comunicar als aderents las informacions pertocant l’associacion que n’es membre, per corrier papièr e per corrièr electronic, coma o fasiá abans. D’un autre costat, “Galette” permet a cada aderent de consultar, verificar e eventualament modificar sas donadas personalas, e permet tanben de recuperar l’atestacion de don correspondent al montant de la cotisa. Per aquò far, un còp la ficha sasida per la seccion d’adesion, cada aderent reçaup a son adreça electronica un messatge de “Galette” amb un identificant personal, qu’es un còde securizat per accedir a sa ficha, e lo ligam per s’i connectar.

Tot aquò es a se metre en òbra e se va clarificar amb lo temps.

Coma de costuma, en teledescargant la ficha aquí dejós, en l’emplenant e en mandant per la Pòsta lo chèc a Francesa Bousquet la secretària o al sèti de l’associacion a Besièrs.

Tanben, podètz causir de faire un virament bancari e nos tornar lo fuòlh d’inscripcion per e-mèl a ieoerau34@gmail.com

Noveltat de 2025. Podètz causir lo pagament en linha, a partir de la Botiga de l’IEO. Mercé de quichar sus lo boton aquí dejós.