Dimenge 12 d’abril de 2026 - MÈSA

Es sus un gròs 10 oras que le President Albèrt ARNAUD dobrís la sesilha en mercejant los dau Buòu de Mèsa de sa bona aculhença.

Fasèm puòi a sa demanda memòria dels amics que nos quitèron dempuòi l’an passat :

Guiu Desalase de Cabrièiras ; Catí Escamez de Besièrs, membre dau CA de l’IEO34 e Alan Huguet dau Cranc de Massilhan.

Presentacion dau rapòrt moral per Albèrt Arnaud e mot d'acuèlh de Monica Demichel e Annia Bancillon dau Buòu, rapòrts d’activitats e dels projèctes per Domenge Caucat lo salariat de la seccion departementala, bilanç financièr per lo clavaire Danís Plancade.

Los diferents rapòrts son someses als vòtes dels presents.

Compte rendut dels vòtes

Participacion :

Inscriches : 170

Votants : 63

Poders : 4

RAPÒRT MORAL E D’ACTIVITAT 2025 :

Aprovats a l’unanimitat

BILANÇ FINANCIÈR DE 2025 :

Aprovat a l’unanimitat

Los rapòrts seràn mandats als sòcis que ne faràn la demanda a ieoerau34@gmail.com

Candidatura au CA :

Ania Tobena se fa portar au conselh d’administracion en remplaçament de la paura Catí Escamez. Es elegida a l’unanimitat

Josiana Daunís, après i èsser estada convidada per lo president, expausa lo projècte de modificacion dels escotissons e de lor reparticion, projècte que serà prepausat a l’AG de l’IEO Federal los 8, 9 e 10 de mai a Jusèa (07). Un escambi s’enseguís e de precisions son demandas.

Son puòi d’unas questions divèrsas, puslèu d'informacions que son donadas abans la conclusion de l’AG per lo president Albèrt Arnaud sus un gròs miègjorn.

Domenge merceja alara la sonorizacion de tria assegurada per la còla dels Tegalós.

Lo Buòu nos convida au vin d’onor