L’UÒLH DEL BUÒU.

LA BILHETA DE L’IVONA DEL CERCLE OCCITAN DE MÈSA.

Mai, fai coma te plai…e encara non sai.

Dempuèi un bon vintenat d’annadas, a la mitat del mes de mai, le cercle occitan de Mèsa organiza los Rescontres de la cançon occitana, nòstra « Eurovision »  regionala.

Après l’acuèlh dels participants venguts dels territòris de la region tota, la jornada debuta, jos lo drapèl occitan, per un passa-carrièra que nos mena fins al restaurant en cançon e en musica (grailes, tamborins…).

En primièr, sus las ribas de l’estanh de Taur, nos espèra une bèla brasucada de muscles, aprestada per los parents dels Calandrons de Mèsa. Per l’acompanhar, un pichòt gòt de vin blanc plan fresc darrièra la carbata abans lo repais, vaquí de qué metre de bona umor. Repais en cantant.

Es a la tantossada que las coralas nos regalan de lors cançons, preparadas e repetidas amb suènh. D’annada en annada, podèm veire que lo nivèl  de las cançons e dels cantaires es en neta progression.

Es la demostracion que lo patrimòni de la lenga nֳòstra es totjorn plan viu, e portat atanben per de joines e de Calandrons, e aquò fa de ben.

La tantossada s’acaba per lo veire de l’amistat…en cantant, e se disent : a l’an que ven.

Malurosament, fa doas annadas que los Rescontres sont annulats, coma tant e tant d’eveniments, rapòrt al Coronavirus.

Esperam que los podrèm tornar organizar en mai de 2022, per que trionfa encara la cançon occitana, e rapelam qu’als Rescontres, coma en cò del Tonton Maionesa de la television, i a pas ges de perdents, e i a una granda ganhanta, la cançon occitana.

Alara, avís als amators e a l’an que ven , en mai…e encara non sai !

Ivona BEAUME.

Mèsa lo 10 de Junh de 2021.

 

RENCONTRES DE LA CHANSON OCCITANE

Mai, fais comme il te plaît…et encore je ne sais.

Depuis une bonne vingtaine d’années, à la mi mai, le cercle occitan de Mèze organise les Rencontres de la chanson occitane, notre « Eurovision » régionale.

Après l’accueil des participants venus de tous les territoires de la région, la journée commence, sous le drapeau occitan, par un défilé qui nous conduit jusqu’au restaurant en chanson et en musique (hautbois, tambourins….)

Tout d’abord, sur les rives de l’étang de Thau, nous attend une belle brasucade de moules, préparée par les parents des élèves de la « Calandreta » de Mèze. Pour l’accompagner,  un petit verre de vin blanc bien frais derrière la cravate avant le repas, voilà de quoi mettre de bonne humeur. Repas en chantant.

C’est l’après-midi que les chorales nous régalent de leurs chansons, préparées et répétées avec soin. D’année en année, nous pouvons constater que le niveau des chansons et des chanteurs est en nette progression.

C’est la démonstration que le patrimoine de notre langue est toujours bien vivant, et porté aussi par des jeunes et des « Calandrons », et cela fait du bien.

L’après-midi s’achève par le verre de l’amitié…en chantant, et en se disant : à l’année prochaine.

Malheureusement, cela fait deux ans que les Rencontres sont annulées, comme tant et tant d’autres événements, à cause du Coronavirus.

Nous espérons pouvoir les réorganiser en mai 2022, pour que triomphe encore la chanson occitane, et nous rappelons qu’aux Rencontres, comme chez le Tonton Mayonnaise de la télévision, il n’y a pas de perdants, et il y a une grande gagnante, la chanson occitane.

Alors, avis aux amateurs, et à l’an prochain, en mai…et encore je ne sais !

Yvonne BEAUME.

Mèze, le 10 juin 2021.