Concèrt de cants bascs, còrses e occitans dins la glèisa romana de Sant Sauvèstre de las Brossas (sègle XI) au mitan de las vinhas, dels olivièrs e dels euses. (a 3 quilomètres dau pont dau diable)

Cada grop cantarà dins sa lenga 5 cançons, puòi totes amassa cantarem un cant dins cada lenga.

Aqueste concèrt es reservat als amics de nòstras tres lengas, (Pesolh revenguts afrancimandits de la tecnopòli s’abténer), las capacitats d’acuèlh de la gleisòta  e de la sala essent çò que son.

L’an que ven, demandarem als catalans, bretons e alsacians de se jónher a nautres e cantarem dins l’abadiá de Gelòna. Promés.

Un aperitiu ofèrt per la Corala de Sant Guilhem e un repais partejat seguirà a la sala de la comba de Brunan.

Cadun pòrta quicòm de bon, de beure, de manjar, de dire per esperlongar l’amistat e lo plaser dau rencontre.

Venètz e portatz.