Escrivanas e escrivans

Rajustam unas linhas a nòstras mai que seriosas recèrcas sus la literatura mondiala. E vos convidam a persègre las vòstras recèrcas personalas…

– Çaquelà, Boileau presava plan lo (bon) vin.

– Lo Perrault tenguèt a çò que siague una poma qu’empoisone Blanca-nèu.

– Lo pichon nom de La Rochefoucauld èra Maxime.

– E una arencada pel dejunar del Carles Cròs!

– De Michelet, cal pas faire tota una istòria.

– Lo jorn de las Foliás-Pastoralas, lo Feydau mandava pàisser las fedas.

– Labiche teniá nèrvis de cèrvi.

– Jean Genet, flor de ginèsta.

– Albèrt Camus aviá pas lo nas camus.

– Dins l’òbra de Sacha Guitry, cal faire la tria.

– Edmond Rostand, penjat a las sèrras d’un aglon, fasiá lo nas.

– Lo Frederic Nietzsche cridava « Al cabanòt!» a son gos.

– L’Aimat Césaire inventèt lo concèpte de negrituda.

– Lo Leopòld Senghor èra pas sens còr.

– Chamoiseau, lo clam d’un aucèl de las Antilhas.

– Doris Lessing èra una cantaira de primièra.

– Yacine Khateb e sos solièrs a las sòlas de caochoc.

– Rafael Alberti, la poesia per carrièras.

– Amb Camilo José Cela, los mots sortisson del buc.

– Gabriel Celaya debanèt un fial roge.

– Eretges e sants inocents per Miguel Delibes.

– Juan Marsé coneissiá una filha de las bragas d’aur.

– Joan Anglade ganhèt jamai lo Torn de França.

– Maurici Carême mnajava pas de carn cada jorn.

– Rafaèl Confiant i podètz faire fisança.

– Edoard Glissant sus las èrsas de las Sargassas.

– Alfrèd Jarry menèt una vida reiala e ubuèsca.

– Lo pichon caval blanc de Paul Fòrt, totis darrièr e el davant…

– Jean Echenoz, de fèst-nòz en fèst-nòz…

– Courteline, escritura en linhas cortas.

– Caliá pas comptar sus Joan Anouilh per preparar las nolhas.

– Ramon Abellio, una escritura e una volontat d’abelha.

– Armand Gatti, aisit sus scèna coma un gat tigrat.

– Antonin Artaud, l’escritura a la foliá.

– Annia Ernaux e las èrnhas femeninas.

– Eugèni Ionesco a caval sus un rinoceròs.

– Boileau-Narcejac e una cantina de Marcillac.

– Felip Djian fasiá lo DJ dins una boita de Grussan.

– Olivièr Norek cabucèt dins un rèc.

– Lo Pofre escriviá a mai d’una man.

– Francis Ponge beviá coma una esponja.

– Los personatges del Bernat Minièr devon anar a la mina (de gredon?)

– Miquèl Bussi fa de longa lo buzz.

– Joan-Patric Manchette a la una.

– Andrevon coma un furet dins la galinièra.

– La bona question de Morvan Lebesque: Cossí èsser breton?

– Jakez-Helias, la Breizh-actitud.

– Ivan Audoard anava beure lo cafè cò de la Comtessa.

– Siague pas triste, Tristan Bernard…

– Olivièr Truc, organizaire de viatges (somiats) en Laponia…

– ………

Galimatiàs Roch

• Nòta Benedicta : Tota semblança…